fbpx
Fimmtudagur 30.júní 2022
Fréttir

Úkraínumenn sagðir hafa fellt mörg hundruð málaliða í árás á skotfærageymslu

Kristján Kristjánsson
Mánudaginn 13. júní 2022 06:09

Hér brennur skotfærageymslan.

Ekki missa af Helstu tíðindum dagsins í pósthólfið þitt

Lesa nánar

Talið er að mörg hundruð rússneskir málaliðar hafi fallið í árás Úkraínumanna á skotfærageymslu í Kadiiyka í austurhluta Úkraínu nýlega. Sögur herma að aðeins einn hafi sloppið lifandi frá árásinni.

Myndir sýna eld í skotfærageymslu sem Úkraínumenn eru sagðir hafa gert stórskotaliðsárás á.

The Sun segir að rússneskir málaliðar, úr hinum svokallaða Wagnerhópi, hafi notað íþróttavöll í Kadiiyka sem skotfærageymslu. Eru allt að 300 málaliðar sagðir hafa fallið í árásinni en ef það er rétt þá er það eitt mesta mannfallið sem Rússar hafa orðið fyrir í einu lagi síðan þeir réðust inn í Úkraínu í febrúar.

Serhiy Haidai, héraðsstjóri í Luhansk, sagði að úkraínski herinn hafi gert stórskotaliðsárás á höfuðstöðvar málaliðanna. Hún hafi verið vel útfærð og aðeins einn málaliði hafi lifað af.

Myndir, sem hafa verið birtar á samfélagsmiðlum, sýna miklar skemmdir á íþróttavellinum eftir árásina. Björgunarmenn sjást að störfum í rústunum.

Wagnerhópurinn, sem tengist Vladímír Pútín Rússlandsforseta og ráðamönnum í Kreml sterkum böndum, er talinn hafa verið að störfum í Úkraínu allt frá því að Rússar hertóku Krím 2014.

Wagnerhópurinn hefur oft verið nefndur einkaher Pútíns en hann hefur alltaf neitað því að hópurinn hafi nokkur tengsl við rússnesk stjórnvöld. Hefur hópurinn meðal annars verið að störfum í Sýrlandi og Afríku en hann er orðlagður fyrir grimmd og margvísleg fólskuverk.

Fregnir hafa borist af því að hópurinn hafi átt á brattann að sækja í stríðinu í Úkraínu og að tæplega 3.000 liðsmenn hans hafi fallið þar eða um 40% af heildarmannafla hans.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 15 klukkutímum

Monica Lewinsky kallar eftir því að níðingarnir verði látnir svara til saka

Monica Lewinsky kallar eftir því að níðingarnir verði látnir svara til saka
Fréttir
Fyrir 17 klukkutímum

Segir að ekkert stríð væri í Úkraínu ef Pútín væri kona

Segir að ekkert stríð væri í Úkraínu ef Pútín væri kona
Fréttir
Í gær

Eldur í Dalshrauni

Eldur í Dalshrauni
Fréttir
Í gær

Dularfull pest herjar á Íslendingahótel á Tenerife – Gubbað í matsalnum, í sundlaugina og við lyfturnar

Dularfull pest herjar á Íslendingahótel á Tenerife – Gubbað í matsalnum, í sundlaugina og við lyfturnar
Fréttir
Fyrir 2 dögum

Ólga meðal íbúa í Kópavogi vegna ítrekaðra sprenginga – „Eins og bíll hafi keyrt á húsið“

Ólga meðal íbúa í Kópavogi vegna ítrekaðra sprenginga – „Eins og bíll hafi keyrt á húsið“
Fréttir
Fyrir 2 dögum

Lögreglan leitar manns

Lögreglan leitar manns