fbpx
Miðvikudagur 06.júlí 2022
Fréttir

Rússar sagðir leggja allt í sölurnar til að ná Luhansk

Kristján Kristjánsson
Föstudaginn 27. maí 2022 08:00

Rússar eru sagðir leggja allt í sölurnar í Luhansk. Mynd:EPA-EFE/STRINGER

Ekki missa af Helstu tíðindum dagsins í pósthólfið þitt

Lesa nánar

Vikum saman hafa rússneskar hersveitir beint kröftum sínum að Donbas þar sem Luhansk er. Það byrjuðu þær að gera eftir að þeim mistókst að ná höfuðborginni Kyiv á sitt vald. Serhij Hajdaj, héraðsstjóri í Luhansk, segir að staðan sé mjög erfið því rússneski herinn beiti nú öllum hersveitum sínum við að ná Luhansk.

Þetta segir hann í myndbandi á Telegram. Rússneskar hersveitir nálgast nú borgirnar Sjevjerdonetsk og Lysytjansk en þær eru hernaðarlega mikilvægar vegna legu sinnar. Hajdaj segir í myndbandinu að Rússar séu einfaldlega að eyðileggja borgirnar því þeir láti sprengjum rigna yfir þær daglega.

Níu manns létust í sprengjuárás Rússa á Kharkiv, næst stærstu borg Úkraínu, í gær en Rússum hefur ekki tekist að ná henni á sitt vald. Fimm almennir borgarar létust í árásum Rússa í suðurhluta Donetsk í gær að sögn héraðsstjórans.

Bardagar í Donbas hafa farið harðandi síðustu daga og virðast Rússar vera að bæta í sóknarþungann. Dmytro Kuleba, utanríkisráðherra Úkraínu, hefur látið óánægju sína í garð Vesturlanda í ljós á síðustu dögum og segir að þau útvegi Úkraínumönnum ekki vopn nægilega hratt. Hann sagði Annalena Baerbock, utanríkisráðherra Þýskalands, að þörf væri á þungavopnum „eins fljótt og hægt er“.

Hershöfðingi í úkraínska hernum sagði í gær að rússnesku hersveitirnar hafi nú undirtökin í Luhansk en Úkraínumenn verjist enn.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Grashausar sagðir öskurgubba vikum saman

Grashausar sagðir öskurgubba vikum saman
Fréttir
Í gær

10 ára þolanda nauðgunar neitað um þungunarrof í Ohio

10 ára þolanda nauðgunar neitað um þungunarrof í Ohio