fbpx
Miðvikudagur 29.júní 2022
Fréttir

Segir mestar líkur á gosi nærri þeim stöðum þar sem mesta skjálftavirknin hefur verið

Kristján Kristjánsson
Þriðjudaginn 24. maí 2022 09:55

Eldgos í Geldingadölum Mynd/Ernir

Ekki missa af Helstu tíðindum dagsins í pósthólfið þitt

Lesa nánar

Margir  jarðskjálftar hafa mælst á Reykjanesi á hverjum sólarhring síðustu daga. Skjálftamynstrið er svipað og þegar gaus í Geldingadölum við Fagradalsfjall á síðasta ári.

Þetta hefur Fréttablaðið eftir Þorvaldi Þórðarsyni eldfjallafræðingi hjá Jarðvísindastofnun Háskóla Íslands. Hann sagði að miðað við fyrri reynslu telji hann að einhverjir mánuðir séu í að það gjósi.

Hann sagði skjálftavirknina vera svipaða og þá sem var áður en gaus í Geldingadölum. „Þetta er svipað mynstur og hugsanlegt að við séum að sjá sömu hlutina gerast. Það eru náttúrulega mestu líkurnar á að það verði gos í grennd við þar sem skjálftavirknin hefur verið hvað mest, á stöðum líkt og Eldvörpunum, sem eru rétt vestan við Grindavík og í Þorbirni, þar sem landið hefur verið að rísa. Svo er einnig búin að vera skjálftavirkni rétt við Sveifluhálsinn og við Kleifarvatn,“ sagði hann. Hann sagðist telja ólíklegt að það gjósi á öllum þessum stöðum í einu.

Hvað varðar stærð hugsanlegs eldgoss sagðist hann telja að það verði hugsanlega meðaleldgos, jafnvel lítið gos á einum stað.

Hvað varðar undanfara goss sagði hann að gos komi ekki fyrirvaralaust. „Við myndum vita af því. Mestar líkur eru á svipuðum atburðum og rétt fyrir gosið í Geldingadölum. Ef kemur til goss á einhverjum þessara staða myndi skjálftavirknin stóraukast og afmarkast við staðinn þar sem kvikan er að brjóta sér leið til yfirborðs,“ sagði hann.

Hann sagði einnig að reikna megi með gosum á Reykjanesskaga ótt og títt á næstu áratugum. „Eldgosið í Fagradalsfjalli var mjög kurteis viðvörun, því við vitum að það geta verið öflugri gos á Reykjanesskaga,“ sagði hann einnig.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 13 klukkutímum

Monica Lewinsky kallar eftir því að níðingarnir verði látnir svara til saka

Monica Lewinsky kallar eftir því að níðingarnir verði látnir svara til saka
Fréttir
Fyrir 14 klukkutímum

Segir að ekkert stríð væri í Úkraínu ef Pútín væri kona

Segir að ekkert stríð væri í Úkraínu ef Pútín væri kona
Fréttir
Í gær

Eldur í Dalshrauni

Eldur í Dalshrauni
Fréttir
Í gær

Dularfull pest herjar á Íslendingahótel á Tenerife – Gubbað í matsalnum, í sundlaugina og við lyfturnar

Dularfull pest herjar á Íslendingahótel á Tenerife – Gubbað í matsalnum, í sundlaugina og við lyfturnar
Fréttir
Fyrir 2 dögum

Ólga meðal íbúa í Kópavogi vegna ítrekaðra sprenginga – „Eins og bíll hafi keyrt á húsið“

Ólga meðal íbúa í Kópavogi vegna ítrekaðra sprenginga – „Eins og bíll hafi keyrt á húsið“
Fréttir
Fyrir 2 dögum

Lögreglan leitar manns

Lögreglan leitar manns