fbpx
Föstudagur 01.júlí 2022
Fréttir

Valdimar vísar því alfarið á bug að annarlegar hvatir hafi legið að baki myndatökunni í Nettó – „Í hugsunarleysi tók ég upp símann“

Björn Þorfinnsson
Miðvikudaginn 18. maí 2022 10:32

Mynd/Anton Brink

Ekki missa af Helstu tíðindum dagsins í pósthólfið þitt

Lesa nánar

Valdimar Tómasson, eitt þekktasta ljóðskáld landsins, vísar því alfarið á bug að annarlegar hvatir hafi legið að baki því að hann tók myndir í leyfisleysi af ungri stúlku í Nettó í gærkvöldi. Færsla þar sem að Valdimar er myndbirtur og sakaður um ósiðlegt athæfi hefur farið sem eldur í sinu á samfélagsmiðlum undanfarnar klukkustundir en tæplega 700 manns hafa til að mynda dreift færslunni á Facebook.

„Ég skrapp í Nettó rétt í þessu og hitti fyrir vinapar mitt og við spjöllum saman í stutta stund og fyrir algjöra tilviljun sér vinur minn að það er maður að mynda korn unga dóttur þeirra í bak og fyrir. Þegar vinur minn biður hann um að eyða myndunum var hann ekkert að ætla að gera það svo við rifum símann af honum og þar voru fleiri fleiri myndir af stúlkunni sem hafði vafrað aðeins frá okkur. Við náðum að eyða öllum myndum af stelpunni og maðurinn hljóp ut. Áður en hann naði að drulla sér út náði ég myndum af þessu ógeði og ætla ég að láta þær fylgja með og biðja ykkur foreldra að vera á varðbergi gagnvart þessum manni sem hafði greinilega eitthvað annað en góðmennsku í huga. Haft var samband við lögreglu og hún er nú að ræða við foreldrana sem eru auðvitað allt annað en sáttir og skil ég þau vel,“ skrifar sú sem dreifði færslunni.

Valdimar segist vera miður sín yfir atvikinu og ber við hugsunarleysi. „Ég var staddur þarna í Nettó í Mjódd í gærkvöldi og sé þá unga stúlku taka upp drullusokk og veifa honum. Mér fannst þetta vera táknrænt  fyrir hvernig að pólitíkin og þjóðfélag okkar er og ekki síður vonaði ég að hún myndi ekki kynnast fleirum slíkum. Í hugsunarleysi tók ég upp símann og tók myndir af henni,“ segir Valdimar.

Í kjölfarið hafi hópur fólks, þar á meðal foreldrar stúlkunnar, gengið á hann með aggressífum hætti og hann hafi í raun orðið fyrir losti. „Foreldrarnir viku sér að mér þegar í stað. Þegar ég áttaði mig á þessum dómgreindarskorti mínum eyddi ég auðvitað strax myndunum. Mér gekk ekkert illt til. Fólk sem tengdist stúlkunni brást mjög hart við enda vanhugsuð aðgerð. Þau rifu af mér símann og bentu mér á að myndirnar vistuðust í öðru forriti og eyddu þeim þar þar. Ég hélt því næst á brott og gekk grátandi heim,“ segir Valdimar.

Hann segist skilja vel að atvikið hafi litið illa út og að foreldrar séu hræddir um börn sín og vilji gera allt til að vernda þau. Viðbrögðin séu hins vegar yfirdrifin og hafi gert það að verkum að hann sé algjörlega í rústi.

„Í framhaldi hafa verið birtar af mér myndir á Facebook og foreldrar hvattir til að vernda börn og vera á varðbergi gagnvart mér enda illmenni. Í kommentakerfi Facebook er ég kallaður skítur, krípi, gerpi, padda, viðbjóður og ljótt ógeð. Símanúmer mitt er síðan birt og ég sagður réttdræpur. Mér bæri að útrýma. Einn sagðist ætla að hringja til að „fokka í mér“. Þá eru menn hvattir til að deila þessu og það helst daglega,“ segir Valdimar sem ítrekar hversu leitt honum þykir málið.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Lögmaður föður drengsins sem var fjarlægður af Barnaspítalanum – „Þeir feðgar glaðir að fá að verja loks tíma saman“

Lögmaður föður drengsins sem var fjarlægður af Barnaspítalanum – „Þeir feðgar glaðir að fá að verja loks tíma saman“
Fréttir
Í gær

Húsfélagsformaður óttast um milljónir eftir pöntun hjá Gluggasmiðjunni – Sölumanni sagt að mæta ekki í vinnuna

Húsfélagsformaður óttast um milljónir eftir pöntun hjá Gluggasmiðjunni – Sölumanni sagt að mæta ekki í vinnuna
Fréttir
Fyrir 2 dögum

Skóflustunga tekin að nýjum leikskóla í Vogabyggð – Einar Þorsteins settist í gröfuna

Skóflustunga tekin að nýjum leikskóla í Vogabyggð – Einar Þorsteins settist í gröfuna
Fréttir
Fyrir 2 dögum

Heimkaup hefur sölu á áfengi

Heimkaup hefur sölu á áfengi
Fréttir
Fyrir 2 dögum

Aðalheiður vekur athygli á djammvanda sem blasir við Íslendingum

Aðalheiður vekur athygli á djammvanda sem blasir við Íslendingum
Fréttir
Fyrir 2 dögum

Telur að íbúðir hljóti að lækka í raunverði á næstu árum

Telur að íbúðir hljóti að lækka í raunverði á næstu árum