fbpx
Þriðjudagur 24.maí 2022
Fréttir

Enn einn ósigur Pútíns

Kristján Kristjánsson
Föstudaginn 13. maí 2022 05:50

Pútín bíður hvern ósigurinn á fætur öðrum. Mynd: EPA

Ekki missa af Helstu tíðindum dagsins í pósthólfið þitt

Lesa nánar

Óhætt er að segja að Vladímír Pútín, Rússlandsforseti, hafi beðið enn einn ósigurinn í gær þegar forseti og forsætisráðherra Finnlands lýstu því yfir að þeir telji að Finnland eigi að sækja um aðild að NATÓ. Allt frá því að Pútín skipaði rússneska hernum að ráðast inn í Úkraínu hafa Rússar beðið hvern ósigurinn á fætur öðrum á alþjóðasviðinu auk þess sem þeir hafa orðið fyrir miklu tjóni í stríðinu og hafa ekki náð þeim markmiðum sem þeir höfðu sett sér.

Það má velta fyrir sér hvenær sé hægt að segja að Pútín hafi í raun tapað stríðinu í Úkraínu. Verður það ekki hægt fyrr en úkraínska hernum tekst að hrekja rússneskar hersveitir aftur yfir til Rússlands? Eða töpuðu Rússar stríðinu í raun og veru þegar þeir urðu að hörfa frá Kyiv?

Er endurvakið samstarf Bandaríkjanna og Evrópu ekki ósigur í sjálfu sér fyrir Rússland? Ætlun Pútíns var jú að reka fleyg í samstarf Bandaríkjanna og Evrópuríkja og milli Evrópuríkja. Það tókst ekki og þess í stað þjöppuðu ríkin sér saman og standa þéttar saman en þau hafa gert um langa hríð.

Þá má einnig velta fyrir sér hvort hin mikla aðstoð í formi vopna frá Bandaríkjunum sé ekki stór ósigur fyrir Pútín? Síðasta ákvörðun bandarískra stjórnvalda um vopnasendingar til Rússland jafnast á við helming útgjalda Rússa til varnarmála á ári.

Samstaða Vesturlanda, bæði innan NATÓ og ESB, er mikið áfall fyrir Pútín sem hafði tekist vel á síðustu árum að reka fleyg á milli einstakra aðildarríkja NATÓ og ESB. Með tilkynningu finnska forsetans og forsætisráðherrans í gær um að þeir mæli með umsókn að NATÓ beið Pútín stóran ósigur. Nú fær hann NATÓ alveg upp að rússnesku landamærunum en Finnland og Rússland deila 1.300 km löngum landamærum.

Finnska þingið þarf að samþykkja tillögu ríkisstjórnarinnar um að sótt verði um aðild að NATÓ en talið er að það sé eingöngu formsatriði að leggja málið fyrir þingið, svo mikils stuðnings nýtur aðildarumsóknin meðal þingmanna og raunar almennings. Síðust kannanir sýna að um 70% Finna styðja að sótt verði um aðild að NATÓ. Þetta er stórt skref fyrir Finna sem hverfa frá 75 ára hlutleysisstefnu sinni.

Það mun væntanlega ekki verða til að bæta skap Pútíns að sænska ríkisstjórnin mun taka ákvörðun á mánudaginn um hvort Svíar fylgi í fótspor Finna og sæki um aðild. Talið er að það muni þeir gera. Þar með hefur Pútín, með innrásinni í Úkraínu, séð til þess að tvö nágrannaríki, sem hafa verið hlutlaus áratugum saman, ganga í NATÓ.

Rússar hafa varað við því að innganga Finna og/eða Svía í NATÓ sé ekki til þess fallin að auka öryggi í Evrópu, þvert á móti og hafa hótað að flytja kjarnorkuvopn nær finnsku landamærunum.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 13 klukkutímum

Segir mestar líkur á gosi nærri þeim stöðum þar sem mesta skjálftavirknin hefur verið

Segir mestar líkur á gosi nærri þeim stöðum þar sem mesta skjálftavirknin hefur verið
Fréttir
Fyrir 14 klukkutímum

Biskup Íslands fordæmir brottvísanir hælisleitenda

Biskup Íslands fordæmir brottvísanir hælisleitenda
Fréttir
Í gær

Líklegt að apabólan berist til Íslands – Þórólfur varar við skyndikynnum

Líklegt að apabólan berist til Íslands – Þórólfur varar við skyndikynnum
Fréttir
Í gær

Pólverjar og Úkraínumenn semja um sameiginlega landamæragæslu og fleira

Pólverjar og Úkraínumenn semja um sameiginlega landamæragæslu og fleira
Fréttir
Í gær

Telja að Rússar hafi misst álíka marga hermenn í Úkraínu og féllu í Afganistan

Telja að Rússar hafi misst álíka marga hermenn í Úkraínu og féllu í Afganistan
Fréttir
Í gær

Segir að Pútín sé kominn í blindgötu

Segir að Pútín sé kominn í blindgötu
Fréttir
Fyrir 2 dögum

Þórður með upplýsingar úr rannsókninni sem hann átti ekki að hafa – Páll segir fjórmenningana fá óeðlilega fyrirgreiðslu

Þórður með upplýsingar úr rannsókninni sem hann átti ekki að hafa – Páll segir fjórmenningana fá óeðlilega fyrirgreiðslu
Fréttir
Fyrir 2 dögum

Undirskriftarsöfnun til stuðnings tveimur ungum konum sem á að vísa úr landi – „Kona getur ekki sótt um skilnað frá eiginmanni sínum“

Undirskriftarsöfnun til stuðnings tveimur ungum konum sem á að vísa úr landi – „Kona getur ekki sótt um skilnað frá eiginmanni sínum“