Morgunblaðið skýrir frá þessu í dag. Fram kemur að þessar tvær sektir séu með þeim allra hæstu sem Neytendastofa hefur lagt á.
Morgunblaðið hefur eftir Ingvari að honum og umbjóðanda hans finnist undarlegt að hærri sektir séu lagðar á Cromwell Rus, sem selur mottur sem séu svo sannarlega ekki skaðlegar neytendum, en til dæmis fyrirtæki sem flytur inn nikótínvökva, sem inniheldur ólöglegt magn nikótóns, í rafrettur. Hann benti á að miðgildi sekta Neytendastofu síðasta árið sé 50.000 krónur og að á síðustu þremur árum hafi engin sekt verið hærri en 750.000 krónur.
Cromwell Rugs hefur kært fyrri sektina, sem er upp á fjórar milljónir, til áfrýjunarnefndar neytendamála. Farið er fram á að hún verði felld úr gildi og til vara að hún verði lækkuð.
Ingvar benti á að hafa þurfi í huga að almenn regla íslensks stjórnsýsluréttar sé að gæta eigi jafnræðis í ákvörðunum sem stjórnvöld taka. Taka þurfi sambærilegar ákvarðanir í sambærilegum málum og að það megi velta fyrir sér hvort það hafi verið gert í þessum málum.