Hann sagði að það eina sem þeir muni fá frá Úkraínumönnum sé mótspyrna. Hörð mótspyrna. „Svo mikil mótspyrna að þeir munu að eilífu muna að við gefum ekki eftir það sem við eigum, þeir munu muna hvað föðurlandsstríð er. Já, fyrir okkur Úkraínumenn er þetta föðurlandsstríð. Við vitum hvernig föðurlandsstríð hefjast og við vitum hvernig þau enda fyrir innrásarliðið,“ sagði hann meðal annars.
Hann sagði að úkraínski herinn geri allt sem í hans valdi stendur til að sigra innrásarherinn: „Tæplega 9.000 Rússar hafa verið drepnir á einni viku. Í Nikolaevsk neyðast þeir til að nota tugi þyrlna til að sækja særða og fallna – 19 og 20 ára gamla. Hvað hafa þeir upplifað annað í lífinu en þessa innrás? En meirihluti þeirra er skilinn eftir á dreif hér og þar.“
Hann sagði að Úkraínumenn vilji ekki að landið verði þakið dánum hermönnum: „Farið heim. Með allan herinn ykkar. Segið herforingjunum ykkar að þið viljið lifa. Að þið viljið ekki deyja, heldur lifa. Við verðum að stöðva þetta stríð og koma á friði eins fljótt og unnt er.“
„„Þetta eru ekki hermenn risaveldis – Þetta eru ringluð börn sem hafa verið notuð,“ sagði hann síðan að lokum og bætti við: „Farið heim með þau.“
