Í tengslum við MH-málið svokallaða, þar sem nemendur mótmæltu því að þurfa að mæta kynferðisbrotamönnum á göngum skólans. Úr varð hálfgerð bylting í skólanum og voru nöfn meinta gerenda rituð með varalit á spegil inn á salerni í skólanum og fóru myndir af þessum nöfnum í mikla dreifingu á netinu.
Í kjölfarið leituð nokkrir drengir sem voru nafngreindir á speglinum til skólastjórnar og kvörtuðu undan einelti.
Menntaskólinn við Hamrahlíð (MH) vísaði þessum málum til ráðgjafahóps á vegum mennta- og barnamálaráðuneytisins og er meðferð málanna nú lokið eða á lokametrum. MH greinir frá því á vefsíðu sinni að við ítarlega skoðun hjá ráðgjafahópnum komu í sumum tilvikum engar skýringar eða upplýsingar fram um ástæðu þess að nöfn nemenda voru rituð á speglana eða að umræddir nemendur tengdust með öðrum hætti umfjölluninni.
„Í þeim tilvikum bárust heldur engar kvartanir yfir kynferðislegri áreitni eða ofbeldi viðkomandi nemenda. Sem dæmi má nefna að sú saga að í skólanum sé tiltekinn nemandi sem hafi nauðgað litlu frænku sinni, hefur ekki fengið neina stoð þrátt fyrir ítarlega könnum ráðgjafahópsins. Fór sú saga fyrst á flug þegar nemandinn stundaði nám í öðrum skóla og endurtók sig í MH.“
Ráðgjafahópurinn telur að í þeim málum sem tilkynnt voru hafi nemendur, hverra nöfn voru skrifuð á spegilinn, orðið fyrir einelti og útilokun.
„MH ítrekar að í kjölfar þessara mála samþykkti skólinn að verða fyrstur til að innleiða nýjar áætlanir, í samvinnu við Samband íslenskra framhaldsskólanema, sem snerta hvoru tveggja kynferðislega áreitni og ofbeldi sem og einelti. Stendur sú vinna yfir. Eru nemendur hvattir til að nýta þá ferla sem til staðar eru og tilkynna um mál ef upp koma innan skólans, þ.e. með því að leita til starfsfólks MH eða tilkynna í gegnum tilkynningahnapp á heimasíðu skólans. Skólinn ítrekar að hann stendur með öllum þolendum ofbeldis og eineltis, sama af hvaða toga slík mál kunna að vera.“
Sjá einnig:
Nemandi í MH:„Ég vil ekki fokking nauðgara í skólanum mínum“
