fbpx
Fimmtudagur 08.desember 2022
Fréttir

Ákærður fyrir margendurteknar hótanir og ofbeldi gegn lögreglumönnum

Ágúst Borgþór Sverrisson
Sunnudaginn 2. október 2022 10:35

Ekki missa af Helstu tíðindum dagsins í pósthólfið þitt

Lesa nánar

Í síðustu viku var þingfest við Héraðsdóm Reykjavíkur mál gegn ungum manni sem ákærður er fyrir margendurteknar hótanir gegn lögreglumönnum, bæði í Reykjavík og á Akureyri.

DV hefur ákæru málsins undir höndum en fyrsti ákæruliðurinn varðar atvik sem átti sér stað á Akureyri í ágústmánuði árið 2019. Maðurinn, sem fæddur er árið 1998, er sakaður um að hafa þá hótað fjórum lögreglumönnum lífláti, bæði í lögreglubíl á leið til lögreglustöðvar frá Ráðhústorginu og á lögreglustöðinni.

Næsta atvik átti sér stað við Grensásveg í Reykjavík þann 1. september árið 2021. Er maðurinn þá sakaður um að hafa hótað þremur lögreglumönnum lífláti. Hann er einnig sakaður um að hafa reynt að bíta lögreglumann í hné en bitið hæfði hnéhlíf á buxum lögreglumannsins.

Þann sama dag er maðurinn sakaður um að hafa hrækt framan í lögreglumann í fangaklefa á lögreglustöðinni á Hverfisgötu.

Loks er maðurinn sakaður um að hafa þann 14. ágúst 2021 hótað tveimur lögreglumönnum lífláti og hótað að beita fjölskyldur þeirra kynferðislegu ofbeldi.

Meint brot mannsins varða 1. málsgrein 106. greinar almennra hegningarlaga, en hún er svohljóðandi:

„Hver, sem ræðst með ofbeldi eða hótunum um ofbeldi á opinberan starfsmann, þegar hann er að gegna skyldustarfi sínu eða út af því, og eins hver sá, sem á sama hátt leitast við að hindra framkvæmd slíks starfa eða neyða starfsmanninn til þess að framkvæma einhverja athöfn í embætti sínu eða sýslan, skal sæta … 1) fangelsi allt að 6 árum. [Ef brot samkvæmt þessari málsgrein beinist að opinberum starfsmanni, sem að lögum hefur heimild til líkamlegrar valdbeitingar, má beita fangelsi allt að 8 árum.] 2) [Beita má sektum, ef brot er smáfellt.] 3)“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Fréttavaktin: Segir Eflingu hafa svikið sig | Ríkisendurskoðun harðorð

Fréttavaktin: Segir Eflingu hafa svikið sig | Ríkisendurskoðun harðorð
Fréttir
Fyrir 2 dögum

Tálbeitan gómar annan íslenskan mann – Vildi fara í trekant með 11-12 ára stelpum

Tálbeitan gómar annan íslenskan mann – Vildi fara í trekant með 11-12 ára stelpum