Um klukkan hálf níu í gær var ekið á strætisvagn sem var kyrrstæður á biðstöð á Vífilstaðavegi. Þrír farþegar voru í vagninum en enginn slasaðist. Strætisvagninn var ökufær eftir áreksturinn en flytja þurfti hina bifreiðina á brott með kranabifreið.
Á áttunda tímanum var bifreið ekið á strætóskýli á Hafnarfjarðarvegi en mikil hálka var á vettvangi. Engin slys urðu á fólki en fjarlægja þurfti bifreiðina með dráttarbifreið.