fbpx
Miðvikudagur 25.maí 2022
Fréttir

Vilborg pólfari stígur fram í máli fjallaleiðsögumannsins – „Ég ein af þeim konum sem um ræðir“

Erla Dóra Magnúsdóttir
Miðvikudaginn 26. janúar 2022 16:42

Ekki missa af Helstu tíðindum dagsins í pósthólfið þitt

Lesa nánar

Vilborg Arna Gissurardóttir, fjallagarpur og pólfari, hefur nú opnað sig um reynslu sína af heimilisofbeldi, en hún er ein þeirra kvenna sem hafa stigið fram síðasta sólarhring og greint frá ofbeldi sem þær segjast hafa orðið fyrir af hendi fjallaleiðsögumannsins Tomaszar Þórs Verusonar.

Sjá einnig: Fleiri fyrirtæki hætta samstarfi við Tomasz Þór vegna ásakana um ofbeldi – „Allra þyngsti bakpokinn á mínum ferli“

Hún opnar sig um þetta á Facebook síðu sinni þar sem hún styður við frásögn konunnar sem fyrst steig fram.

„Þyngsti bakpokinn og hæsta fjallið að klífa.

Heimilisofbeldi og hvers kyns ofbeldi í öllum sínum birtingarmyndum er þungt farg að bera fyrir þolendur slíkra mála, fjölskyldur og alla þá sem tengjast á einn eða annan hátt. Eins og margir vita nú þegar tengist ofbeldismál sem er nú til umfjöllunar í fjölmiðlum mér og er ég ein af þeim konum sem um ræðir.

Svona lífsreynsla markar mann fyrir lífstíð og skilur eftir ör á sálinni. Með aðstoð góðs fólks og tímanum grynnka örin þó þau hverfi kannski aldrei alveg. Minn bakpoki er ansi þungur eftir lífsreynslu síðustu ára og hefur markað mig á ýmsan hátt þó ég beri það ekki utan á mér. Eins hefur þetta haft afleiðingar sem hefur tekið tíma að vinna úr og sú vinna heldur auðvitað áfram.“

Vilborg segist styðja við frásögn þeirrar konu sem stigið hefur fram með sögu sína og segist sjálf hafa verið í hennar sporum, bæði er hún var í sambandi með Tomazsi sem og þegar þau voru kollegar.

„Ég styð þá frásögn sem fram hefur komið og hef staðið í sömu sporum bæði á meðan á sambandi okkar stóð og einnig á okkar samstarfsvettvangi.“

Vilborg segir að það sé mikilvægt að gera sér grein fyrir að þolendur og gerendur í svona málum séu ekki steyptir í eitt fast mót. Nauðsynlegt sé að samfélagið standi saman til að grípa þolendur en einnig að gerendum standi úrlausnir til boða.

„Fyrir mig persónulega hefur sú vakning sem hefur átt sér stað að undanförnu skipt miklu máli og það er mikilvægt að við höldum áfram á þeirri braut. Ég mun leggja mitt á vogarskálarnar þegar kemur að þeirri umræðu.

Með vinsemd og kærum þökkum fyrir ást og umhyggju“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 17 klukkutímum

Segir mestar líkur á gosi nærri þeim stöðum þar sem mesta skjálftavirknin hefur verið

Segir mestar líkur á gosi nærri þeim stöðum þar sem mesta skjálftavirknin hefur verið
Fréttir
Fyrir 19 klukkutímum

Biskup Íslands fordæmir brottvísanir hælisleitenda

Biskup Íslands fordæmir brottvísanir hælisleitenda
Fréttir
Í gær

Líklegt að apabólan berist til Íslands – Þórólfur varar við skyndikynnum

Líklegt að apabólan berist til Íslands – Þórólfur varar við skyndikynnum
Fréttir
Í gær

Pólverjar og Úkraínumenn semja um sameiginlega landamæragæslu og fleira

Pólverjar og Úkraínumenn semja um sameiginlega landamæragæslu og fleira
Fréttir
Í gær

Telja að Rússar hafi misst álíka marga hermenn í Úkraínu og féllu í Afganistan

Telja að Rússar hafi misst álíka marga hermenn í Úkraínu og féllu í Afganistan
Fréttir
Í gær

Segir að Pútín sé kominn í blindgötu

Segir að Pútín sé kominn í blindgötu
Fréttir
Fyrir 2 dögum

Þórður með upplýsingar úr rannsókninni sem hann átti ekki að hafa – Páll segir fjórmenningana fá óeðlilega fyrirgreiðslu

Þórður með upplýsingar úr rannsókninni sem hann átti ekki að hafa – Páll segir fjórmenningana fá óeðlilega fyrirgreiðslu
Fréttir
Fyrir 2 dögum

Undirskriftarsöfnun til stuðnings tveimur ungum konum sem á að vísa úr landi – „Kona getur ekki sótt um skilnað frá eiginmanni sínum“

Undirskriftarsöfnun til stuðnings tveimur ungum konum sem á að vísa úr landi – „Kona getur ekki sótt um skilnað frá eiginmanni sínum“