Þýðing orðsins sóttkví í íslensku samfélagi verður allt önnur strax á morgun en hún hefur verið undanfarin tvö ár, en þá verða aðeins þeir sem hafa verið í nánd við Covid smitaðan einstakling inni á eigin heimili eða dvalarstaðar og eru ekki þríbólusettir sendir í sóttkví. Börn á leik- og grunnskólaaldri verða undanþegin smitgát með öllu, nema ef um smit á heimili er að ræða.

Öðrum sem hinu opinbera hefur hingað til þótt ástæða til að skikka í sóttkví verður héðan í frá gert að viðhafa smitgát.

Þetta kom fram í máli Willums Þórs Þórssonar heilbrigðisráðherra að loknum ríkisstjórnarfundi í dag. Greindi hann jafnframt frá því að hann myndi kynna afléttingaáætlun á föstudaginn. Þangað til myndu núverandi samkomutakmarkanir (10 manna samkomubann og fleira) halda gildi sínu hér á landi. Willum sagði þá að um „gríðarlega eðlisbreytingu“ væri að ræða.

Útskýrt á mannamáli eru breytingarnar svona:

Þessir fara í sóttkví, sem verður áfram fimm dagar og mun áfram ljúka með PCR prófi:

• Þeir sem eru í námunda við smitaðan einstakling á heimili sínu.
• Þeir sem eru þríbólusettir sleppa við sóttkví, en þurfa að viðhafa smitgát.
• Börn á leik- og grunnskólaaldri sleppa við allt saman.

Í smitgát þarf að:

• Bera grímu á almannafæri og þar sem ekki er hægt að viðhalda tveggja metra reglu. Forðast fjölmenni og viðkvæma einstaklinga.
• Smitgátin gildir í fimm daga en ekki þarf að fara í próf til að sleppa, nema þú sért þríbólusettur að sleppa úr smitgát vegna smitaðs einstaklings á heimilinu.
• Börn á leik- og grunnskólum viðhalda smitgát og mega því mæta í skólann, nema ef það er smitaður einstaklingur á heimilinu.

Og við leyfum Stuðmönnum að útskýra hvenær nýju reglurnar um sóttkví eiga að taka gildi: