fbpx
Mánudagur 04.júlí 2022
Fréttir

80 ár frá Wannsee ráðstefnunni – Skipulögðu þjóðarmorð gyðinga á 90 mínútum

Ritstjórn DV
Föstudaginn 21. janúar 2022 15:00

mynd/wikicommons samsett DV

Ekki missa af Helstu tíðindum dagsins í pósthólfið þitt

Lesa nánar

Áttatíu ár voru í gær liðin frá því að nasistar lögðu grunn að hryllingnum sem átti síðar eftir að verða að veruleika í útrýmingarbúðum nasista, en fundurinn átti sér stað í litlu sveitasetri í útjaðri Berlínar í Wannsee og átti síðar eftir að fá nafnið Wannsee ráðstefnan.

Fimmtán hátt settir meðlimir nasistaflokksins og þýska hersins komu þar saman og aðeins 90 mínútum síðar höfðu þeir lagt lagt línurnar um hvernig staðið skyldi að flutningi milljóna gyðinga og annarra „óæskilegra“ í útrýmingarbúðir. Vekur skilvirkni nasista enn hrylling í dag, öllum þessum áratugum síðar.

Í grein New York Times um málið í gær sagði frá því að aðeins eitt eintak af fundargerð hafi lifað stríðið af, en nasistarnir voru þekktir fyrir ítarlegar skýrslugerðir um allt sem þeir framkvæmdu. Raunar er það svo að nánast hvert einasta morð í útrýmingarbúðunum um gjörvalla Evrópu er til á skrá einhvers staðar.

Þessi staka fundargerð fannst í gögnum þriðja ríkisins tveimur árum eftir stríðslok og var mikilvægi þess strax ljóst. Gögnin voru meðal annars notuð sem sönnunargögn í Nuremberg réttarhöldunum.

Sjálft sveitasetrið, villan í Wannsee, stóð svo ónotuð í langan tíma þar til hún var notuð sem gistiheimili fyrir ungmenni í skólaferðalögum. Eftir fall múrsins og sameiningu Þýskalands var húsinu svo loks breytt í minningarreit fyrir þá sem létust í útrýmingarbúðum nasista. Sem fyrr segir er húsið í útjaðri Berlínar og er hægt að heimsækja það og safnið sem það hýsir í stuttri ferð frá borginni.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Magnús Aron í gæsluvarðhaldi til 29. júlí

Magnús Aron í gæsluvarðhaldi til 29. júlí
Fréttir
Fyrir 2 dögum

Leigusvik á Háteigsvegi – Borgaði tryggingu fyrir íbúð sem er ekki til

Leigusvik á Háteigsvegi – Borgaði tryggingu fyrir íbúð sem er ekki til
Fréttir
Fyrir 4 dögum

Svik Gluggasmiðjunnar: Hurðalaus sumarbústaður og gluggalaus hús – „Þeir mega ekki svíkja fleiri“

Svik Gluggasmiðjunnar: Hurðalaus sumarbústaður og gluggalaus hús – „Þeir mega ekki svíkja fleiri“
Fréttir
Fyrir 4 dögum

Fyrrverandi framkvæmdastjóri Tölvuteks fyrir dóm – Skattsvik upp á 50 milljónir

Fyrrverandi framkvæmdastjóri Tölvuteks fyrir dóm – Skattsvik upp á 50 milljónir