fbpx
Miðvikudagur 06.júlí 2022
Fréttir

Nafn komið á nýtt íþróttahús í Garðabæ – 23 einstaklingar fá viðurkenningu fyrir hugmyndina

Ágúst Borgþór Sverrisson
Mánudaginn 17. janúar 2022 14:58

Ekki missa af Helstu tíðindum dagsins í pósthólfið þitt

Lesa nánar

Nýtt fjölnota íþróttahús í Garðabæ mun bera nafnið Miðgarður. Hugmyndasamkeppni um nafnið var opnuð í fyrra og voru alls 23 sem stungu upp á nafninu Miðgarður. Kemur fram í fréttatilkynningu um málið að þessir 23 munu fá viðurkenningu en ekki greinir frá því í hverju viðurkenningin er fólgin. Alls bárust 250 tillögur að nafni í samkeppnina.

Tilkynning um málið er eftirfarandi:

„Nýtt fjölnota íþróttahús sem er staðsett í Vetrarmýri í Garðabæ mun bera heitið Miðgarður.
Garðabær efndi haustið 2021 til nafnasamkeppni um nafn á nýja fjölnota íþróttahúsinu í Garðabæ sem var öllum opin og íbúar hvattir til að taka þátt í. Dómnefnd í nafnasamkeppninni var skipuð þeim Almari Guðmundssyni, Björgu Fenger og Baldri Ó. Svavarssyni, fulltrúum bæjarstjórnar í undirbúningsnefnd um byggingu hússins. Dómnefndinni til ráðgjafar var Jóhannes B. Sigtryggsson, rannsóknarlektor hjá Stofnun Árna Magnússonar í íslenskum fræðum. Jafnframt störfuðu þau Kári Jónsson íþrótta- tómstunda- og forvarnarfulltrúi og Sunna Stefánsdóttir samskipta og kynningarfulltrúi Garðabæjar með dómnefndinni.

Alls bárust um 250 mismunandi tillögur um nafn á húsinu sem dómnefnd valdi svo úr.  Niðurstöður dómnefndar voru samþykktar af bæjarráði Garðabæjar í janúar 2022. Hugmyndirnar sem bárust voru frumlegar og skemmtilegar. Örnefni í nágrenni íþróttahússins ásamt tengingum við önnur heiti á mannvirkjum og stöðum í Garðabæ voru þó greinilega ofarlega í hugum fólks. Alls voru 23 aðilar sem sendu inn tillögu um nafnið Miðgarð í nafnasamkeppninni.

Dómnefndinni þótti tengingin við „Garða“ álitleg en mörg sérnöfn í Garðabæ bera þá tengingu. Tengsl við goðafræðina og þar með við Ásgarðssvæðið taldi dómnefndin einnig skemmtilega en með því kallast tvö af íþróttasvæðum bæjarins á við hvort annað. Samkvæmt goðafræðinni er Miðgarður miðja heimsins og sá staður þar sem mannfólkið býr. Það rímar vel við hugmyndir um fjölnota íþróttahúsið þar sem vonast er eftir lífi og fjöri á degi hverjum ásamt því að þar verður rými fyrir fjölbreytt viðfangsefni. Þeir 23 aðilar sem komu með tillögu að nafninu Miðgarður munu hljóta viðurkenningu.

Miðgarður er með rými fyrir knattspyrnuvöll í fullri stærð og klifurvegg innanhúss auk teygju- og upphitunaraðstöðu og fyrsta flokks styrktar- og þrekæfingaaðstöðu, ásamt tilheyrandi stoðrýmum og verður því mikil lyftistöng fyrir íþrótta- og heilsueflandi starfsemi í bænum. Þessa dagana er unnið að lokafrágangi í íþróttahúsinu og reiknað er með að öllu óbreyttu, þá með tilliti til heimsfaraldurs og úttektar á húsinu, að  Miðgarður opni fyrir æfingar hjá fyrstu iðkendum um mánaðamótin og verði kominn í fulla notkun í mars nk.“

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Grashausar sagðir öskurgubba vikum saman

Grashausar sagðir öskurgubba vikum saman
Fréttir
Í gær

10 ára þolanda nauðgunar neitað um þungunarrof í Ohio

10 ára þolanda nauðgunar neitað um þungunarrof í Ohio
Fréttir
Fyrir 4 dögum

Arnar Grant segir að Vítalía hafi ekki sagt satt um Loga Bergmann

Arnar Grant segir að Vítalía hafi ekki sagt satt um Loga Bergmann
Fréttir
Fyrir 4 dögum

Alþýðlegur Bogi ávarpaði Facebookhóp – „Umræðan hér fer ekki framhjá okkur“

Alþýðlegur Bogi ávarpaði Facebookhóp – „Umræðan hér fer ekki framhjá okkur“