Fréttablaðið skýrir frá þessu. Fram kemur að Karlotta hafi ekki viljað staðfesta við Fréttablaðið hvaða maður eigi í hlut.
Fréttablaðið hefur eftir henni að hún hafi lengi velt fyrir sér hvort hún ætti að tjá sig um málið en hún hafi upplifað ógleði, hræðslu, reiði og vanlíðan í kjölfar ofbeldisins. Hún sagðist aðspurð hafa heyrt að hún sé ekki sú eina sem hafi lent í þessum manni en hafi ekki fengið það staðfest. Hún sagðist hafa fyllst kjarki þegar konur úr öllum áttum fóru að stíga fram og skila skömminni.
Hún lýsti ofbeldinu svona á samfélagsmiðlum: „Fyrir mánuði síðan fór ég heim með manni sem beitti mig hrottalegu kynferðisofbeldi, tók mig hálstaki og sló mig, svo eitthvað sé nefnt. Öll mín mörk urðu að engu í höndum hans, sama hvað ég reyndi.“
Hún segist hafa verið buguð og brotin eftir þetta og daglega fari hún í gegnum allan tilfinningaskalann sem geri hana úrvinda. Það hafi vakið upp reiði hjá henni að sjá gerandann ferðast frítt um allt land, í samstarfi við ýmis fyrirtæki, á meðan hún þurfti sjálf að leita sér sálfræðiaðstoðar.
Um gerandann sagði hún: „Þessi maður er faðir, sonur, bróðir, vinur og jú … þjóðþekktur einstaklingur.“
Eins og fram hefur komið í fréttum þá stigu fimm þjóðþekktir karlmenn til hliðar úr störfum sínum eða var sagt upp störfum í síðustu viku eftir ásakanir Vítalíu Lazareva um að þeir hefðu beitt hana kynferðislegu ofbeldi. Þetta voru þeir Arnar Grant, Hreggviður Jónsson, Þórður Már Jóhannesson og Ari Edwald úr viðskiptalífinu og síðan Logi Bergmann Eiðsson fjölmiðlamaður og útvarpsmaður á K100.
Í kjölfar frétta af því máli birti Karlotta skjáskot af færslu vinkonu sinnar á Twitter. Í því segir: „Eigum við að „nefna“ fleiri svona menn innan Árvaks? I’ll go first: Fyrra nafnið rímar við Tinni, seinna við Töve.“
Ætla að skilja þetta eftir hér sem ég sá í story hjá a supportive friend 🤝 pic.twitter.com/9XdGrXaZGe
— karlottamargretar (@karlott87718302) January 6, 2022
