fbpx
Þriðjudagur 09.ágúst 2022
Fréttir

Umsátur í Miðvangi: DV ræðir við íbúa í blokkinni – „Þetta er skrýtin tilfinning, þetta er ekki gott“

Ágúst Borgþór Sverrisson
Miðvikudaginn 22. júní 2022 10:42

Mynd/Anton Brink

Ekki missa af Helstu tíðindum dagsins í pósthólfið þitt

Lesa nánar

Umsátur sérsveitar lögreglunnar í Hafnarfirði á sér stað fyrir utan fjölbýlishús sem er á bak við verslun Nettó og ber sama húsnúmer. Talið er að íbúi í húsinu hafi skotið á bíl fyrir utan. Samningaviðræður lögreglumanna við manninn standa nú yfir.

Að sögn íbúa sem DV náði tali af eru minnst fjórir sérsveitarbílar fyrir utan húsið. Íbúinn, sem er kona, segist hafa sofið af sér skothvellina en samkvæmt upplýsingum sem hún fékk skaut maðurinn annaðhvort út um glugga íbúðar sinnar eða af svölum hennar. Konan segist hafa sofið af sér skothvellina en þegar hún fór út úr húsi og ætlaði til vinnu tóku lögreglumenn á móti henni og báðu hana um að vera innandyra.

Konan getur lítið fylgst með aðgerðum lögreglu úr íbúð sinni. „Mér finnst óþægilegt að fara út svo ég held mig bara inni,“ segir konan. Aðspurð hvort hún upplifi sig örugga segir hún: „Nei, þetta er skrýtin tilfinning, þetta er ekki gott. Ég er dálítið taugaóstyrk út af þessu og það er skrýtið að vita af byssum hérna.“

Konan segir hins vegar að lögreglumennirnir hafi verið mjög vingjarnlegir og kurteisir og það sé óneitanlega hughreystandi að vita af þeim og að þeir séu vopnaðir. „Ég veit að þeir eru með stjórn á ástandinu en það er óþægilegt að vita af því að hér hafi einhver verið að skjóta af byssu út úr íbúðinni sinni. En lögreglumennirnir hafa verið vingjarnlegir og fagmannlegir.“

„Ég horfði niður á næstu hæð og sá að þar voru lögreglumenn með byssur og voru í viðbragðsstöðu,“ segir konan ennfremur.

Hún segir að ekki sé um neitt annað að ræða fyrir sig en halda kyrru fyrir á heimili sínu og bíða þess að umsátrinu ljúki.

DV ræddi annan íbúa, eldri mann, sem sagðist hafa komist að heiman í morgun, um hálfníuleytið, en þá voru lögreglumenn fyrir utan húsið. Hann kemst hins vegar ekki heim til sín aftur og heldur nú til í vesturbæ Hafnarfjarðar þar til málið leysist. Hann segir að nágranni hans hafi hætt við að fara með eiginkonu sína til læknis í morgun og halda þau kyrru fyrir í íbúð sinni. Hvorugur þessara manna heyrði skothvelli í morgun.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Hver er nýi sendiherra Bandaríkjanna á Íslandi? – Ofurlögfræðingurinn frá Texas

Hver er nýi sendiherra Bandaríkjanna á Íslandi? – Ofurlögfræðingurinn frá Texas
Fréttir
Í gær

Ný alþjóðleg herferð til varnar fordæmalausri ógn við réttinum til mótmæla á heimsvísu

Ný alþjóðleg herferð til varnar fordæmalausri ógn við réttinum til mótmæla á heimsvísu
Fréttir
Fyrir 3 dögum

Maður á sjötugsaldri setti upp ólöglega sírenu og blikkljós til að þykjast vera í forgangsakstri

Maður á sjötugsaldri setti upp ólöglega sírenu og blikkljós til að þykjast vera í forgangsakstri
Fréttir
Fyrir 4 dögum

Umdeildur breskur samfélagsrýnir skrifar um Íslandsreisu sína – „Ef ég hefði þurft að dvelja þarna í nokkrar vikur í viðbót hefði ég orðið gjaldþrota“

Umdeildur breskur samfélagsrýnir skrifar um Íslandsreisu sína – „Ef ég hefði þurft að dvelja þarna í nokkrar vikur í viðbót hefði ég orðið gjaldþrota“
Fréttir
Fyrir 4 dögum

Ósáttar við vinnubrögð MAST eftir tilkynningu um mögulegt dýraníð – Maður dregur dalmatíu-hvolp með valdi

Ósáttar við vinnubrögð MAST eftir tilkynningu um mögulegt dýraníð – Maður dregur dalmatíu-hvolp með valdi
Fréttir
Fyrir 4 dögum

Segja að aldrei hafi verið eins langt á milli Úkraínu og Rússlands hvað varðar friðarviðræður

Segja að aldrei hafi verið eins langt á milli Úkraínu og Rússlands hvað varðar friðarviðræður