„Við gerum ráð fyrir að um 490 þúsund farþegar hafi farið um Keflavíkurflugvöll í nýliðnum maímánuði samkvæmt bráðabirgðatölum okkar sem á eftir að yfirfara,“ hefur blaðið eftir Guðmundi Daða Rúnarssyni, framkvæmdastjóra viðskipta og þróunar hjá Isavia.
Þetta er 9% meira en spáð var í uppfærðri farþegaspá sem var gefin út fyrir tæplega mánuði. Þessi fjöldi er um 84% af farþegafjöldanum i maí 2019.