fbpx
Föstudagur 01.júlí 2022
Fréttir

Þóra áfrýjar til Landsréttar

Ágúst Borgþór Sverrisson
Miðvikudaginn 4. maí 2022 09:40

Skjáskot af YouTube

Ekki missa af Helstu tíðindum dagsins í pósthólfið þitt

Lesa nánar

Þóra Arnórsdóttir, fréttamaður á RÚV, hefur áfrýjað til Landsréttar þeirri niðurstöðu Héraðsdóms Norðurlands eystra að hafna kröfum hennar um að Páley Borgþórsdóttir, lögreglustjóri hjá lögreglunni á Norðurlandi eystra, Eyþór Þorbergsson, staðgengill lögreglustjóra, og aðrir starfsmenn embættisins skuli víkja sæti við rannsókn Samherja-símamálsins.

Þóra er meðal fjögurra í málinu með stöðu sakbornings og hefur verið boðuð til yfirheyrslu. Yfirheyrslur í málinu hafa tafist vegna dómsmála af þessu tagi.

Þóra telur að tiltekin ummæli Eyþórs Þorbergsssonar, staðgengis lögreglustjóra, í greinargerð embættisins og viðtölum við fjölmiðla geri starfsmenn embættisins vanhæfa til að rannsaka málið á hlutlausan hátt. Ummælin eru eftirfarandi:

„Blaðamönnum er umhugað um vernd heimildamanna sinna. Á móti bendir ákæruvaldið á að fjölmiðlar eru að hagnýta sér viðkvæma stöðu
heimildarmannsins. X kemur til þeirra á sennilega erfiðasta tímabili lífs síns, væntanlega mjög viðkvæmur og hugsanlega í hefndarhug. Í stað þess að staldra
aðeins við og veita X stuðning og hjálp, virðast fjölmiðlar fara strax í að nýta sér augljós brot hans sér í hag, bæði faglega og fjárhagslega. Þeir huga ekki að því að þarna er einstaklingur í viðkvæmri stöðu og sýna af sér algjört skeytingarleysi um hans líðan og líf.“

„Ef þú þolir ekki gagnrýni um sjálfan sig [sic], og það má segja um blaðamenn líka, eiga menn bara að vera í blómaskreytingum. […] já, sumir ættu að vera í
blómaskreytingum.“

Héraðsdómur hafnar því að ummælin feli í sér aðdróttanir um saknæmt athæfi blaðamannanna og telur ekki tilefni til að álykta að þau leiði til þess að starfsmenn og fulltrúar embættisins verði vanhæfir. Í niðurstöðu úrskurðarins segir:

„Samkvæmt því sem rakið hefur verið hér að framan hefur sóknaraðili ekki sýnt fram á að fyrir hendi séu atvik eða aðstæður sem séu til þess fallnar að draga óhlutdrægni varnaraðila, eða einstakra starfsmanna hans, í efa. Verður kröfum sóknaraðila því hafnað.“

Þessum úrskurði hefur Þóra núna áfrýjað til Landsréttar.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Ekkert virðist geta bjargað hjólhýsabyggðinni við Laugarvatn – Sveitarstjórn segir nei takk

Ekkert virðist geta bjargað hjólhýsabyggðinni við Laugarvatn – Sveitarstjórn segir nei takk
Fréttir
Í gær

Matvælastofnun varar við hættulegu fitubrennsluefni – Hefur valdið dauðsföllum og alvarlegum eituráhrifum

Matvælastofnun varar við hættulegu fitubrennsluefni – Hefur valdið dauðsföllum og alvarlegum eituráhrifum
Fréttir
Fyrir 2 dögum

Aðalheiður vekur athygli á djammvanda sem blasir við Íslendingum

Aðalheiður vekur athygli á djammvanda sem blasir við Íslendingum
Fréttir
Fyrir 2 dögum

Telur að íbúðir hljóti að lækka í raunverði á næstu árum

Telur að íbúðir hljóti að lækka í raunverði á næstu árum
Fréttir
Fyrir 2 dögum

Tæp 11% koma til VIRK vegna kulnunar eða langvarandi streitu í starfi

Tæp 11% koma til VIRK vegna kulnunar eða langvarandi streitu í starfi
Fréttir
Fyrir 2 dögum

Allt að sex ára fangelsi liggur við meintu broti Arnars og Vítalíu

Allt að sex ára fangelsi liggur við meintu broti Arnars og Vítalíu
Fréttir
Fyrir 3 dögum
Eldur í Dalshrauni