fbpx
Mánudagur 27.september 2021
Fréttir

Atvinnuauglýsing á Facebook endaði með dómsmáli – Ferðaþjónustufyrirtæki tapaði fyrir starfsmanni

Ágúst Borgþór Sverrisson
Þriðjudaginn 7. september 2021 16:30

Ekki missa af Helstu tíðindum dagsins í pósthólfið þitt

Lesa nánar

Héraðsdómur Reykjaness kvað í dag upp dóm í máli sem höfðað var á hendur ferðaþjónustufyrirtækinu Vacation in Iceland ehf. vegna vangoldinna launa starfsmanns.

Sumarið 2018 birtist auglýsing í Facebook-hópnum Vinna með litlum fyrirvara VMLF þar sem óskað var eftir manneskju í þrif 2-3 daga í viku í Grímsnesi. Kona ein svaraði auglýsingunni og í kjölfar þess urðu viðamikil samskipti á Messenger á milli hennar og forsvarsfólks Vacation in Iceland ehf um þrif á sumarbústöðum í Grímsnesi og ýmis önnur tengd verkefni, varðandi umhirðu bústaðanna og samskipti við leigutaka þeirra.

Messenger-samskiptin voru lögð fram sem gögn fyrir dómi og kemur þar fram að þurft hefði að ýta nokkuð á eftir launagreiðslum. Þegar upp var staðið taldi starfsmaðurinn sig eiga vangoldin laun upp á um 1,2 milljónir króna og stefndi fyrirtækinu til greiðslu þeirrar skuldar.

Ekki var gerður ráðningarsamningur við manninn en samskiptin á Messenger voru lögð fram til sönnunar um vinnusamband hans við Vacation in Iceland.

Ágreiningurinn snerist að hluta um laun í uppsagnarfresti en Vacation in Iceland hafnaði því að um vinnulaunamál væri að ræða sem fæli í sér uppsagnarfrest. Þá hafnaði fyritækið ýmsum fullyrðingum um vinnuframlag annað en það sem sneri að ræstingunum.

Eiginmaður konunnar sem hafði svarað auglýsingunni VMLF innti verkefnin af hendi en Vacation in Iceland kannaðist ekki við hann sem starfsmann og hafnaði kröfunni meðal annars á þeim forsendum. Um málsástæður og lagarök stefnda í málinu, Vacation in Iceland, segir meðal annars í texta dómsins:

„Stefndi mótmælir sem órökstuddum, ósönnuðum og röngum staðhæfingum stefnanda um umfangsmikla vinnu stefnanda í þágu stefnda. Ekkert vinnuréttarsamband hafi verið milli aðila, vinnuframlag stefnanda sé með öllu ósannað og stefndi hafi ekki lagt fram neina reikninga vegna vinnu sinnar heldur aðeins einhliða og ósamþykktar tímaskýrslur. Þar sem stefnandi hafi ekki tryggt sér sönnun um vinnuframlag sitt í þágu stefnda sé óhjákvæmilegt að sýkna stefnda af kröfum stefnanda.“

Héraðsdómur féllst að töluverðu leyti á kröfur stefnanda og var það ekki síst byggt á upplýsingum um vinnuframlag sem Messenger-samskiptin afhjúpuðu. Var Vacation in Iceland dæmt til að greiða manninum 756.360 þúsund krónur ásamt dráttarvöxtum, sem og eina milljón króna í málskostnað. Því var hins vegar hafnað að maðurinn ætti inni laun í uppsagnarfresti þar sem Messenger-samskiptin vitnuðu um að starfslokin hefðu verið samkvæmt gagnkvæmu samkomulagi en manninum hefði ekki verið sagt upp.

Dóminn má lesa hér

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Starfsemi gas- og jarðgerðarstöðvar Sorpu gæti stöðvast í allt að heilt ár

Starfsemi gas- og jarðgerðarstöðvar Sorpu gæti stöðvast í allt að heilt ár
Fréttir
Fyrir 2 dögum

Sigurður G. tjáir sig um kærurnar – „Kannski vill lögreglan gera húsleit“

Sigurður G. tjáir sig um kærurnar – „Kannski vill lögreglan gera húsleit“
Fréttir
Fyrir 2 dögum

14 ára sögu Harmageddon á Xinu 97.7 lýkur í dag

14 ára sögu Harmageddon á Xinu 97.7 lýkur í dag
Fréttir
Fyrir 2 dögum

„Er hugsanlegt að múta einhverjum?“ – Samherjamenn töluðu frjálslega um mútugreiðslur

„Er hugsanlegt að múta einhverjum?“ – Samherjamenn töluðu frjálslega um mútugreiðslur
Fréttir
Fyrir 4 dögum

Edda svarar fyrir sig eftir að Sigurður kallaði hana lygasjúka – „Galið að krefja fólk um einhver bull svör einungis til þess að þagga niður í fólki“

Edda svarar fyrir sig eftir að Sigurður kallaði hana lygasjúka – „Galið að krefja fólk um einhver bull svör einungis til þess að þagga niður í fólki“
Fréttir
Fyrir 4 dögum

Innhringjandinn sá að sér og baðst afsökunar – „Við höfðum öll einhverntímann gert mistök“

Innhringjandinn sá að sér og baðst afsökunar – „Við höfðum öll einhverntímann gert mistök“