Í miðborginni var ekið á gangandi vegfaranda. Hann var fluttur með sjúkrabifreið á bráðamóttöku. Viðkomandi var með áverka á fæti og mjöðm.
Björgunarsveitir voru kallaðar út vegna fjögurra manna sem sigldu slöngubát á sker sunnan við Akurey. Mennirnir voru mjög blautir og kaldir og voru fluttir með sjúkrabifreiðum á bráðamóttökur.
Á Kjalarnesi var einn handtekinn vegna líkamsárásar og heimilisofbeldis. Hann var vistaður í fangageymslu.
Einn var handtekinn í vesturhluta Reykjavíkur, grunaður um þjófnað. Hann var í mjög annarlegu ástandi og var hann vistaður í fangageymslu.
Ekið var á kyrrstæða bifreið í Hlíðahverfi, einn slasaðist og var fluttur á bráðamóttöku. Ekki er vitað hversu alvarleg meiðsli viðkomandi eru.
Þrír ökumenn voru handteknir grunaðir um að vera undir áhrifum fíkniefna.
Í Breiðholti datt ofurölvi maður á höfuðið. Hann var fluttur á bráðamóttöku.
Í Hafnarfirði var maður aðstoðaður eftir að hann hafði dottið á höfuðið. Sjúkraflutningsmenn gerðu að sárum hans og síðan var honum ekið heim.
Í Kópavogi var ekið á ljósastaur. Ökumaður missti stjórn á bifreiðinni með þessum afleiðingum. Engin slys urðu á fólki.
Á Kjalarnesi lenti bifreið utan vegar, engin slys urðu á fólki.
Í Grafarvogi datt kona á rafmagnshlaupahjóli og hlaut áverka á höfði. Hún var flutt á bráðamóttöku með sjúkrabifreið.