Undir lok sýningar Þjóðleikhússins á Rómeó og Júlíu eftir Shakespeare í gærkvöld þurfti að gera hlé á sýningunni vegna þess að leikhúsgestur í salnum féll í yfirlið.
Vefur Fréttablaðsins greinir frá þessu.
Aðrir gestir komu konunni til hjálpar og hún gekk sjálf út úr salnum en sjúkrabíll var kominn á vettvang. Að sögn þjóðleikhússtjóra heilsast konunni vel og var hún fljót að jafna sig.
Þá kemur fram í fréttinni að eftir nokkurt hlé hafi verið ákveðið að halda sýningunni áfram til enda en um tíu mínútur voru eftir af henni er atvikið varð.