Flugfreyjan Kat Kamalani hefur vakið mikla athygli fyrir myndböndin sem hún birtir á samfélagsmiðlinum TikTok. Hún er orðin nokkuð vinsæl á miðlinum en þar leysir hún frá skjóðunni og segir frá leyndarmálum og öðru sem gott er að vita af áður en farið er í flugvél.
Í einu myndbandinu fer Kat til að mynda yfir hvaða mat og drykk fólk ætti aldrei að panta sér í flugvél. „Aldrei fá þér þetta um borð í flugvél,“ segir hún og fer svo yfir það sem fólk ætti alls ekki að borða. „Regla númer eitt er að drekka aldrei neitt sem er ekki í dós eða í flösku,“ segir hún. „Ástæðan er sú að vatnstankarnir í flugvélunum eru aldrei þrifnir og þeir eru ógeðslegir. Við flugfreyjur drekkum eiginlega aldrei te eða kaffi sem kemur úr þessum tönkum.“
Hún hvetur þá foreldra til þess að biðja aldrei um heitt vatn í flugvélum til að setja í pela barna sinna. „Fáið frekar vatn í flösku, gerið drykkinn fyrir barnið ykkar og setjið síðan pelann ofan í heitt vatn og hitið innihaldið þannig.“
Hægt er að horfa á myndbandið þar sem Kat útskýrir þetta hér fyrir neðan:
@katkamalaniJust promise me you won’t 🤢 ##flightattendantlife ##travelhacks ##traveler ##cleaninghacks ##influencers ##foodhack