Lögreglunni á Höfuðborgarsvæðinu var í dag tilkynnt um aðila sem væri sofandi ofan í ruslagám sem inniheldur COVID-úrgang við Fosshótel Baron á Skúlagötu, en hótelið hefur verið notað sem farsóttahús undanfarnar vikur. Þetta kemur fram í dagbók lögreglu.
Þar kemur jafnframt fram að í Mosfellsbæ hafi lögreglu borist tilkynning um aðila sem reyndi að tæla ungar stúlkur upp í bifreið. Það mál er að sögn lögreglu í rannsókn.
