Alls 145 innanlandssmit af Covid-19 greindust í gær, þar af voru 97 fullbólusettir, 38 óbólusettir og fimm höfðu fengið fyrri sprautu. Þetta kemur fram á covid.is. Smit gætu hafa verið fleiri en svo mörg sýni eru nú tekin daglega að ekki tekst að skila öllum niðurstöðum í uppfærðar tölur á vefnum. Ef fleiri smit greindust munu þau bætast við smittölur morgundagsins.
Alls eru nú 2.429 í sóttkví og 1.009 í skimunarsóttkví. 1213 eru í einangrun en 10 liggja á sjúkrahúsi með sjúkdóminn.