Á fyrsta tímanum í nótt var bifreið ekið í veg fyrir aðra á Hafnarfjarðarvegi í Kópavogi. Annar ökumaðurinn var ekki með gild ökuréttindi og nagladekk voru undir bifreiðinni sem hann ók.
Þrír ökumenn voru handteknir í gærkvöldi og nótt grunaðir um að vera undir áhrifum áfengis og/eða fíkniefna.
Í gærkvöldi var ökumaður kærður fyrir að aka með 2 farþega í farangursgeymslu bifreiðar. Hann greiddi sektina á staðnum.