Á upplýsingafundinum sem fór fram í morgun kom fram að tala þeirra sem greindust smitaðir af Covid-19 í gær væri ekki endanleg á Covid.is. Fyrst kom fram að þeir væru 82 og síðan var því breytt í 96 einstaklinga.
Nú er hinsvegar búið að uppfæra tölurnar og eru það 123 sem greindust smitaðir innanlands í gær. 88 einstaklingar voru utan sóttkvíar við greiningu. Aldrei nokkurn tímann hafa svo margir greinst smitaðir á einum degi á Íslandi. Þrír liggja inni á sjúkrahúsi af 745 smituðum.
Tveir greindust á landamærunum og er nýgengi smita þar nú 14,2. Innanlands er það 187,3 og eru 2.030 manns eru í sóttkví
Fréttin verður uppfærð.