fbpx
Fimmtudagur 23.september 2021
Fréttir

Tölva Reykjavíkurborgar segir nei við Múlalund: „Þetta viðhorf borgarinnar er einfaldlega sorglegt“

Björn Þorfinnsson
Laugardaginn 24. júlí 2021 18:15

Ekki missa af Helstu tíðindum dagsins í pósthólfið þitt

Lesa nánar

Flest bendir til þess að Reykjavíkurborg muni áfram hunsa Múlalund – vinnustofu SÍBS varðandi kaup á margskonar skólavörum fyrir næsta skólaár ólíkt öðrum sveitarfélögum. Í þrjú ár hefur Múlalundur, sem er vinnustofa fyrir fólk með skerta starfsorku, reynt að fá Reykjavíkurborg að samningaborðinu án árangurs.

Sjá einnig: Reykjavíkurborg kaupir ekki vörur af Múlalundi ólíkt öðrum sveitarfélögum –  „Fólkið okkar vill upplifa  að starfskraftar þess skipti máli fyrir samfélagið“

„Þetta viðhorf borgarinnar er einfaldlega sorglegt. Um 80 prósent okkar starfsmanna er með lögheimili í Reykjavík og það eru löng bið eftir plássi hjá okkur. Það er verið að hringja, aðallega frá Vinnumálastofnun, eftir störfum hjá okkur fyrir fólk í brýnni þörf en við getum ekki ráðið fleiri því verkefnin skortir,“ segir Helgi Kristófersson, aðstoðarframkvæmdastjóri Múlalundar.

Helgi Kristófersson, aðstoðarframkvæmdastjóri Múlalundar

Hann segir stöðuna óskiljanlega í ljósi þess að upphæðirnar sem um ræðir séu lágar. „Þetta er spurning um nokkrar milljónir sem dropi í hafið við rekstur skólakerfis borgarinnar. Á móti skapar Reykjavíkurborg atvinnu fyrir hóp sem að er í mjög brothættri stöðu. Þetta sjá önnur sveitarfélög og því er stífnin í borginni furðuleg,“ segir Helgi.

Starfsemin í Múlalundi er afar félagslega- og tilfinningalega mikilvæg fyrir starfsfólkið

Kolbrún Baldursdóttir, borgarfulltrúi Flokks Fólksins, hefur látið sig málið varða innan borgarstjórarnar og á dögunum lagði hún fram fyrirspurn til meirihluta borgarstjórnar af hverju ekki væri verslað við Múlalund. Miðað við vélrænu kerfissvörin sem bárust þar sem Reykjavíkurborg felur sig á bak við rammasamning er að mati Kolbrúnar lítil von að eitthvað breytist.

„Það er því fyrirséð að niðurstaða verði eins og áður sú að flytja þetta inn og kaupa ódýrustu mögulegu vörur. Síðan kemur Reykjavíkurborg og biður Múlalund um að taka fleiri starfsmenn af biðlistum Reykjavíkurborgar til sín í störf við að framleiða vörur sem Reykjavíkurborg vill ekki kaupa. Sveitarfélög í nágrenni Reykjavíkur hafa tekið af skarið og sýnt hverju þau eru megnug í að versla vörur Múlalundar í stað innfluttra vara,“ sagði Kolbrún í bókun sinni.

Kolbrún Baldursdóttir

Reykjavíkurborg hefur fulla heimild til þess að víkja frá rammasamningum þegar um er að ræða viðskipti við verndaða vinnustaði eins og Múlalund og því er ákvörðun borgarinnar fyrst og fremst pólitísk að mati Kolbrúnar.

„Það að fara óhefðbundna leið eins og þá að nýta slagkraft grunnskólanna í Reykjavík sem stærsta notanda skólamappa á Íslandi, til að skapa mikilvæg störf fyrir fólk með skerta starfsorku, er pólitísk ákvörðun. Hér er borgin ekki góð fyrirmynd.“

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Innhringjandinn sá að sér og baðst afsökunar – „Við höfðum öll einhverntímann gert mistök“

Innhringjandinn sá að sér og baðst afsökunar – „Við höfðum öll einhverntímann gert mistök“
Fréttir
Í gær

Starfsfólk þingflokka áreitt með dularfullum símtölum um miðjar nætur – „Skynjum að einhver sé búinn að targeta heimilið“

Starfsfólk þingflokka áreitt með dularfullum símtölum um miðjar nætur – „Skynjum að einhver sé búinn að targeta heimilið“
Fréttir
Í gær

Framsókn berst liðsstyrkur úr óvæntri átt korter í kosningar – „Svona gera alvöru stjórnmálamenn!“

Framsókn berst liðsstyrkur úr óvæntri átt korter í kosningar – „Svona gera alvöru stjórnmálamenn!“
Fréttir
Í gær

Stjörnunuddarinn í útrás til Svíþjóðar þrátt fyrir fimm ára fangelsisdóm í janúar – „Ég dreg það besta, og versta úr fólki“

Stjörnunuddarinn í útrás til Svíþjóðar þrátt fyrir fimm ára fangelsisdóm í janúar – „Ég dreg það besta, og versta úr fólki“
Fréttir
Í gær

„Hvaða rugl er þetta?“: Felix hjólar í Blóðbankann – „Lyktar illilega af hómófóbíu“

„Hvaða rugl er þetta?“: Felix hjólar í Blóðbankann – „Lyktar illilega af hómófóbíu“
Fréttir
Fyrir 2 dögum

Lokayfirlýsing DV: Faðir sem opinberar barnið sitt

Lokayfirlýsing DV: Faðir sem opinberar barnið sitt
Fréttir
Fyrir 3 dögum

Snæþór opnar sig: „Ég er ótrúlega þakklátur fyrir þetta í dag þó ég hafi verið sár út í sjálfan mig svona fyrst á eftir“

Snæþór opnar sig: „Ég er ótrúlega þakklátur fyrir þetta í dag þó ég hafi verið sár út í sjálfan mig svona fyrst á eftir“
Fréttir
Fyrir 3 dögum

Leitað að manni sem villtist á Esjunni – Ekið á gangandi vegfaranda – Sigldu á sker

Leitað að manni sem villtist á Esjunni – Ekið á gangandi vegfaranda – Sigldu á sker