Frá og með miðnætti þann 25. júlí taka nýjar sóttvarnatakmarkanir gildi og gilda til 13. ágúst.
Hámarksfjöldi þeirra sem mega koma saman verður 200 og 1 metra fjarlægðarmörk taka gildi. Börn fædd 2006 og síðar eru undanþegin bæði fjöldatakmörkunum og fjarlægðarreglunni.
Grímuskylda verður tekin upp innanhúss þar sem ekki er hægt að koma við 1 metra reglu. Börn fædd 2006 og síðar eru undanþegin grímuskyldu.
Íþróttaæfingar og íþróttakeppni barna og fullorðinna verða áfram heimilar, með og án snertingar, en hámarksfjöldi þátttakenda er 100. Á íþróttaviðburðurm verður hámarksfjöldi í hverju rými 200 manns, sem þýðir að íþróttafélög verða aftur að taka upp hólfaskiptingu á viðburðum. Mun mest reyna á það á leikjum í efstu deild karla í knattspyrnu.
Á leiksýningum og öðrum viðburðum, einnig í kirkjum og öðrum samkomustöðum, verður hámarksfjöldi þátttakenda á sviði 100 manns og hámarksfjöldi gesta 200 manns.
Veitingastaðir, barir og skemmtistaðir mega hafa opið til 23 á kvöldin en tæma þarf staðina á miðnætti.
Sjá nánar tilkynningu á vef heilbrigðisráðuneytisins