fbpx
Mánudagur 21.júní 2021
Fréttir

Maðurinn sem ók Angjelin segist ekki hafa vitað að hann ætlaði að myrða Armando – Geymdi tösku sem innihélt byssuna

Ágúst Borgþór Sverrisson
Miðvikudaginn 9. júní 2021 18:00

Angjelin Sterkaj og húsið í Rauðagerði.

Ekki missa af Helstu tíðindum dagsins í pósthólfið þitt

Lesa nánar

Albanskur maður að nafni Shpetim Qerimi losnaði úr gæsluvarðhaldi þann 3. júní þó að hann sé ákærður fyrir morð. Í dag staðfesti Landsdómur farbannsúrskurð yfir manninum sem gildir til 21. október þessa árs.

Fjórir eru ákærðir í málinu sem snertir morð á Albananum Armando Bequiri sem skotinn var til bana fyrir utan heimili sitt í Rauðagerði laugardagskvöldið 13. febrúar.

Kona er sökuð um að hafa gefið upplýsingar um ferðir Armandos þetta kvöld til þeirra Angjelin Sterkaj og Shpetim Qerimi sem óku að heimili Armandos í kjölfar þeirra upplýsinga. Maður er sakaður um að hafa leiðbeint konunni um þetta vöktunarverkefni.

Angjelin Sterkaj hefur játað á sig hafa skotið Armando Bequiri til bana en hann sagist hafa verið einn að verki. Shpetim Qerimi var með honum í bíl er Angjelin ók að Rauðagerði til að myrða Armando. Síðan óku tvímenningarnir, Angjelin og Shpetim, til Varmahlíðar í Skagafirði þar sem þeir dvöldust í sumarhúsi. Þeir stöðvuðu í Kollafirði þar sem Angjelin fleygði morðvopninu í sjóinn.

Í kröfu héraðssaksóknara, þar sem krafist var farbanns yfir Shpetim fyrir héraðsdómi, segir að framburður hans í málinu hafi verið ótrúverðugur. Hann kannast við að hafa ekið með Angjelin að heimili Armandos en segist ekki hafa vitað hver bjó þar né hvað hafi staðið til. Þá kemur einnig fram að hann ásamt tveimur öðrum sakborningum hafi tekið við tösku sem í var byssa og er Shpetim sagður hafa geymt byssuna fram að morðdeginum. Þá segir enn fremur:

„Hann hefur sagt að hann hafi ekki vitað hvað var í töskunni en það telur ákæruvaldið ótrúverðugt. Þá er á það bent að meðákærði Y fór úr bílnum sem ákærði ók vopnaður skammbyssu og hljóðdeyfi og kom til baka í bílinn með þetta samsett og setti á gólf bifreiðarinnar. Lengd byssunnar með hljóðdeyfi er rúmir 40 cm. og því ekki mjög trúverðugt að hann hafi ekkert séð né vitað hvað til stóð.“
Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Ingó opinberar ástina

Nýlegt

Fréttir
Fyrir 2 dögum

Stórir bólusetningardagar í næstu viku – Stefnt á að allir verði þá búnir að fá eina sprautu

Stórir bólusetningardagar í næstu viku – Stefnt á að allir verði þá búnir að fá eina sprautu
Fréttir
Fyrir 3 dögum

Ofurölvi par með 8 ára barn á veitingastað – Líkamsárásir og slys

Ofurölvi par með 8 ára barn á veitingastað – Líkamsárásir og slys
Fréttir
Fyrir 3 dögum

Stjörnu-Sævar vill ekki að við kaupum helíumblöðrur

Stjörnu-Sævar vill ekki að við kaupum helíumblöðrur
Fréttir
Fyrir 3 dögum

Meindýraeyðir í Öxarfirði ósáttur við Sigga hakkara og hefur haft samband við lögmann

Meindýraeyðir í Öxarfirði ósáttur við Sigga hakkara og hefur haft samband við lögmann
Fréttir
Fyrir 4 dögum

Full forsjá móður staðfest – Hafði tapað forsjá til föður sem fékk holdris nálægt dóttur þeirra

Full forsjá móður staðfest – Hafði tapað forsjá til föður sem fékk holdris nálægt dóttur þeirra
Fréttir
Fyrir 4 dögum

Gunnlaugur tapaði fyrir Borgarbyggð – Stefndi sveitarfélaginu vegna brottrekstrar úr bæjarstjórastóli

Gunnlaugur tapaði fyrir Borgarbyggð – Stefndi sveitarfélaginu vegna brottrekstrar úr bæjarstjórastóli