Þetta kemur fram í dagbók lögreglunnar sem sinnti ýmsum öðrum verkefnum í gærkvöldi og nótt. Meðal annars var ölvuðu fólki vísað út úr verslun í Bústaðahverfi um klukkan 17 í gær. Skömmu síðar varð umferðarslys í Bústaðahverfi. Þar var um minniháttar slys á fólki að ræða.
Þrír ökumenn voru handteknir í gærkvöldi grunaðir um að vera undir áhrifum áfengis og/eða fíkniefna. Allir reyndust þeir vera sviptir ökuréttindum og einn þeirra er einnig grunaður um vörslu fíkniefna.
Í Laugarneshverfi var brotist inn í hjólageymslu í nótt og í Hlíðahverfi voru skemmdarverk unnin á bifreið.
Í Garðabæ var brotist inn í geymslugám.
Síðdegis í gær var tilkynnt um þjófnað úr verslun í Smáralind, tvö aðskilin mál. Þau voru afgreidd á vettvangi.
Á áttunda tímanum í gærkvöldi féll knapi af baki í Árbæjarhverfi. Hann kenndi til eymsla eftir fallið og var fluttur á bráðamóttöku.