fbpx
Mánudagur 26.júlí 2021
Fréttir

Baltasar varpar sprengju um Jón Viðar – „Þetta eru persónuárásir“

Jón Þór Stefánsson
Laugardaginn 19. júní 2021 15:35

Baltasar Kormákur.

Ekki missa af Helstu tíðindum dagsins í pósthólfið þitt

Lesa nánar

Baltasar Kormákur, kvikmyndaleikstjóri, gefur lítið fyrir gagnrýni Jóns Viðars Jónssonar, gagnrýnanda, sem hraunaði yfir nýjasta verkefni hans, sjónvarpsþættina Kötlu, sem voru frumsýndir á Netflix í vikunni.

Jón Viðar hakkar í sig Kötlu – Baltasar enginn Bergman og gefur tvo af tíu í einkunn

Baltasar heldur því nefnilega fram að Jón Viðar hafi óskað eftir að verða handritshöfundur þáttanna, er þeir hittust í sundi. Honum fannst það skrýtið vegna þess hve neikvæður Jón hefur verið í sinn garð, og þá hafi hann aldrei skrifað kvikmyndahandrit svo Baltasar viti til. Þetta kemur fram í viðtali á Vísi.

„Ég hitti hann í sundi af tilviljun og hann fór að ræða við mig og svo fór hann að bjóða fram krafta sína í skrifteymið þegar ég sagði honum að ég væri með þessa þætti í bígerð. Ég vissi ekki hvaðan á mig stóð veðrið því maðurinn hefur verið að rakka niður allt sem ég hef gert í fimmtán ár,“

„Ég auðvitað þáði það ekki. Í ljósi þessara árása skýtur þetta skökku við. Ég kom alveg af fjöllum að maðurinn vildi vinna fyrir mig, fyrst honum finnst ég svona lélegur og svo vissi ég ekki til þess að hann hafi skrifað eitt einasta kvikmyndahandrit þannig að ég veit ekki hvers vegna ég hefði átt að ráða hann,“

Baltasar vill meina að gagnrýni Jóns sé nær persónuárásum en eðlilegri gagnrýni. Þá heldur hann því fram að Jón sé í raun bara nettröll, sem hafi ekki einu sinni opinbera stöðu sem gagnrýnandi.

„Þetta er meira en gagnrýni, þetta eru persónuárásir og enginn rökstuðningur eða kafað neitt ofan í málið. Hann er í raun bara nettröll og þetta á ekkert bara við mig heldur við marga í bransanum, sérstaklega þá sem hafa notið árangurs erlendis,“

„Hann er ekki einu sinni með opinbera stöðu sem gagnrýnandi, hann er bara nettröll, af því að hann vann einu sinni gagnrýnandi virðist hann fá þetta ofboðslega pláss til að hrauna yfir fólk. Það er engin önnur stétt sem situr undir þessu,“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 2 dögum

Taktu könnun: Hvað finnst þér um nýju takmarkanirnar?

Taktu könnun: Hvað finnst þér um nýju takmarkanirnar?
Fréttir
Fyrir 2 dögum

200 manna samkomutakmarkanir og skemmtistaðir loka fyrr

200 manna samkomutakmarkanir og skemmtistaðir loka fyrr
Fréttir
Fyrir 2 dögum

Innkalla forsteikt smælki með rósmarín

Innkalla forsteikt smælki með rósmarín
Fréttir
Fyrir 2 dögum

Grunsamlegar mannaferðir í Reykjavík

Grunsamlegar mannaferðir í Reykjavík
Fréttir
Fyrir 2 dögum

Kolbrún gagnrýnir gagnrýnisleysi

Kolbrún gagnrýnir gagnrýnisleysi
Fréttir
Fyrir 3 dögum

Ferðamenn týndu bíl sínum

Ferðamenn týndu bíl sínum