Karlmaður sem varð fyrir alvarlegri líkamsárás í miðborg Reykjavíkur aðfaranótt sunnudags er kominn úr lífshættu. Þetta kemur fram í tilkynningu frá lögreglu.
Um var að ræða hnífstunguárás sem átti sér stað fyrir framan veitingastaðin Fjallkonuna.
Í tilkynningu lögreglu kemur fram að rætt verði við manninn um leið og ástand hans leyfir. Einnig stendur að rannsókn málsins miði vel, en ekki sé hægt að veita frekari upplýsingar að svo stöddu.