fbpx
Mánudagur 26.júlí 2021
Fréttir

Heimilislausir hreiðra um sig í Elliðaárdal – Sláandi myndir af sóðaskap – „Ég veit ekki hvað er í gangi hjá þessu borgarapparati“

Björn Þorfinnsson
Mánudaginn 14. júní 2021 14:00

Hallur Heiðar Hallsson tók sláandi myndir af sóðaskap í Elliðaárdal

Ekki missa af Helstu tíðindum dagsins í pósthólfið þitt

Lesa nánar

„Því miður er þetta árlegur viðburður að heimilislausir hreiðra um sig á þessum tíma árs í skóginum. Umgengnin hefur þó aldrei verið eins slæm og í ár og það er ekki brugðist við ábendingum mínum um þetta. Ég veit ekki hvað er í gangi í þessu borgarapparati,“ segir Hallur Heiðar Hallsson, íbúi í Elliðaárdal, í samtali við DV.

Fyrir rúmum tíu dögum gekk Hallur fram á búðir heimilslausra manna í Elliðaárdalnum. „Þetta var skammt frá göngustígnum en þó í hvarfi þannig að það er ekki víst að gangandi vegfarendur verði varir við þetta. Mér gjörsamlega ofbauð sóðaskapurinn auk þess sem að hægt var að sjá augljóst þýfi á víð og dreif við búðirnar,“ segir Hallur.

Hann var ekki með síma á sér í þeim túr en sneri síðan aftur við annan mann daginn eftir og tók meðfylgjandi myndir. „Manni stóð ekki alveg á sama enda voru einhverjir menn þarna á ferli í annarlegu ástandi. Þegar ég tek þessar myndir daginn eftir þá hafði nú ástandið skánað aðeins en engu að síður held ég að flestum sé ljóst að þetta er óboðlegt.“

Hann hafi í kjölfarið haft samband við lögreglu og Reykjavíkurborg en að viðbrögðin hafi verið sáralítil. „Ég varð var við eina lögregluheimsókn en svæðið hefur ekki verið þrifið,“ segir Hallur og sagðist hugsa yfirvöldum þegjandi þörfina.

Hallur hefur staðið í ströngu undanfarna daga en eins og DV fjallaði um í gær þá kom hann í veg fyrir stórfellt mengunarslys í dalnum með árvekni sinni. Þá varð hann var við  olíuborna fugla í tjörn nálægt heimili sínu en svo virtist sem að olíugildrur við nærliggjandi bensínstöð og bílaþvottastöð hafi ekki haft undan í mikilli rigningu um helgina. Hallur hafði ekki undan að bjarga fuglum langt fram á nótt en hann lét borgaryfirvöld strax vita af málinu. Viðbrögðin voru sein en að lokum var þó brugðist við.

„Það er kominn mannskapur frá Hreinsitækni og þeir virðast vera byrjaðir að þrífa þetta upp,“ segir Hallur.

 

Myndirnar sem Hallur Heiðar tók:

 

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Allt stopp í Kömbunum eftir þriggja bíla árekstur

Allt stopp í Kömbunum eftir þriggja bíla árekstur
Fréttir
Í gær

Þórólfur útilokar ekki harðari takmarkanir á næstunni

Þórólfur útilokar ekki harðari takmarkanir á næstunni
Fréttir
Fyrir 2 dögum

Svona bregst þjóðin við fréttunum: „Ég vil að ríkisstjórnin taki aðra þotu á leigu og skelli sér í langt frí til Norður-Kóreu“

Svona bregst þjóðin við fréttunum: „Ég vil að ríkisstjórnin taki aðra þotu á leigu og skelli sér í langt frí til Norður-Kóreu“
Fréttir
Fyrir 2 dögum

Taktu könnun: Hvað finnst þér um nýju takmarkanirnar?

Taktu könnun: Hvað finnst þér um nýju takmarkanirnar?
Fréttir
Fyrir 2 dögum

Íslendingar á nálum yfir ákvörðun ríkisstjórnarinnar – „Allir ráðherrar í hvítvínslegi í hitanum fyrir austan og harðneita því að stöðva sumarið“

Íslendingar á nálum yfir ákvörðun ríkisstjórnarinnar – „Allir ráðherrar í hvítvínslegi í hitanum fyrir austan og harðneita því að stöðva sumarið“
Fréttir
Fyrir 2 dögum

Innkalla forsteikt smælki með rósmarín

Innkalla forsteikt smælki með rósmarín
Fréttir
Fyrir 3 dögum

Lögmaður telur fyrirtækjum heimilt að skikka fólk í skimun vegna kórónuveirunnar

Lögmaður telur fyrirtækjum heimilt að skikka fólk í skimun vegna kórónuveirunnar
Fréttir
Fyrir 3 dögum

Kolbrún gagnrýnir gagnrýnisleysi

Kolbrún gagnrýnir gagnrýnisleysi