Opnun umferðar um Suðurstrandarveg að gosstöðvum í Geldingadölum verður frestað til klukkan 12:00 á morgun. Upphaflega var stefnt á að opna þær klukkan 6:00 um morguninn. Þetta kemur fram í tilkynningu frá Lögreglustjóranum á Suðurnesjum.
Vindátt fram að hádegi á morgun er ekki hagstæð með tilliti til gasmengunar en mun verða betri um hádegi.
Veðurspá Veðurstofunnar gerir ráð fyrir norðan og norðaustan átt, frost 3 til 7 stig. Þeir sem hyggjast leggja leið sína að gosstöðvunum eftir hádegi á morgun ættu að huga vel að klæðnaði því að það verður kalt og vindkæling töluverð í ofanálag.
Umferð sem nauðsynlega þarf að fara um Suðurstrandarveg mun geta farið framhjá lokunum.