Þetta kemur fram í dagbók lögreglunnar. Einnig kemur fram að fimm ökumenn hafi verið handteknir í gærkvöldi og nótt grunaðir um að vera undir áhrifum áfengis og/eða fíkniefna. Tveir þeirra reyndust vera sviptir ökuréttindum og var um ítrekað brot að ræða hjá þeim hvað varðar akstur sviptir ökuréttindum. Tveir voru án gildra ökuréttinda.
17 ára ökumaður var kærður fyrir of hraðan akstur á Reykjanesbraut á fimmta tímanum í nótt. Hraði bifreiðar hans mældist 111 km/klst en leyfður hámarkshraði er 80 km/klst. Málið var unnið með aðkomu forráðamanns ökumanns vegna ungs aldurs hans.
Í Hlíðahverfi var stungið á hjólbarða þriggja bifreiða um helgina en þetta var tilkynnt í gærkvöldi.