Katrín Jakobsdóttir forsætisráðherra, Svandís Svavarsdóttir heilbrigðisráðherra, Bjarni Benediktsson fjármálaráðherra og Áslaug Arna Sigurbjörnsdóttir dómsmálaráðherra héldu blaðamannafund í Hörpu í dag þar sem tilkynnt var um hertar aðgerðir á landamærunum.
Bjarni var fyrstur á mælendaskrá og tilkynnti að rætt yrði um bólusetningar og landamærin.
Katrín steig næst á svið með PowerPoint-kynningu þar sem hún fór yfir stöðuna og hvaða áhrif landamærin hafa haft á smitstöðuna hér í landi og hversu góð áhrif bólusetningar hafa haft á smitstöðu.
Katrín segir alla 16 ára og eldri vera bólusetta með að minnsta kosti einum skammti fyrir 1. júlí. Hún segir litakóðunarkerfið sem átti að taka í gildi 1. maí muni ekki taka gildi fyrr en 1. júní. Þangað til verði sömu ráðstafanir við gildi varðandi landamærin.
Skuli sóttvarnalæknir ráðleggja heilbrigðisráðherra að skylda skuli fólk frá hááhættusvæðum í sóttvarnarhús ætlar Alþingi að sjá til þess að hún fái tímabundna heimild til þess.