Við Hvalsnes og á Suðurfjörum hafa vegfarendur rekist á nokkurn fjölda dauðra fugla. Náttúrustofu Suðausturlands barst tilkynningu um þetta og tilkynnti Matvælastofnun um málið.
https://www.facebook.com/natturustofasudausturlands/posts/1628970920634302
Dánarorsök fuglanna, sem flestir eru gæsir og álftir, eru óljós og er möguleg smithætta af hræjum þeirra. Samkvæmt RÚV eru hræin alls 53 talsins og eru þau flest öll uppétin af krumma eða frændum hans. Erfitt er að taka sýni úr fuglunum þar sem lítið er eftir af þeim nema bein.
Fuglaflensan hefur gert var við sig víða um Evrópu undanfarna mánuði og sum afbrigði hennar geta smitast í menn. Því þarf að bregðast fljótt við þessu og komast til botns í málinu.
Viðbúnaðarstig Matvælastofnunar vegna fuglaflensu hækkaði í seinasta mánuði. Afleiðingar smits á stórum alifuglabúum eru mjög alvarlegar en komi upp smit þar yrði allur bústofninn skorinn niður og starfsemi á stóru svæði takmörkuð.
Fólki er ráðlagt að sleppa því að taka upp eða snerta hræ sem það sér á víðavangi. Mikilvægt er að tilkynna um hræ fugla sem ekki hafa drepist vegna slysa úti í náttúrunni.