Sex greindust með Covid-19 innanlands í gær, en aðeins einn þeirra var ekki í sóttkví við greiningu. Þrír til viðbótar greindust á landamærunum.

Einn er nú á sjúkrahúsi vegna Covid-19 hér á landi. Í tilkynningu frá almannavörnum segir að rakning smitanna sem greindust í gær sé hafin og gangi vel. Ljóst þykir að fjöldi þeirra sem þarf að fara í sóttkví vegna samskipta við þann smitaða verði minni en hefur verið síðustu daga sökum hertra samkomutakmarkana. Þær eru nú þær hörðustu frá upphafi faraldurs.

Almannavarnir hvetja almenning áfram til þess að huga vel að sínum persónulegu sóttvörnum.