Þýska teknótríóið Scooter mun halda tónleika í Laugardalshöll þann 22. október næstkomandi. Sveitin kom hingað til lands 2019 og hélt tónleika sem slógu rækilega í gegn.
GUSGUS, ClubDub og DJ Margeir munu koma til með að hita upp fyrir Scooter, ásamt leynigesti sem verður kynntur síðar en fram kemur í tilkynningunni að um risa í tónlistarsögunni sé að ræða.
Margir muna eftir því þegar Scooter kom hingað seinast og Egill Einarsson eða DJ Muscleboy var fenginn til að hita upp fyrir kappann. Þegar stutt var eftir af settinu hans slökkti umboðsmaður Scooter á græjunum hjá Agli og sagði honum að fara af sviðinu. Egill birti Instagram myndband af atburðinum á Instagram sem hægt er að sjá hér fyrir neðan.
View this post on Instagram
Tónleikarnir áttu upphaflega að fara fram 21. apríl en dagsetningin hefur verið færð vegna Covid-19 faraldursins.
Miðasala fer fram á Tix.is og eru tvö verð í boði: Stæði 7.900 kr. og stúka 9.900 kr.