fbpx
Þriðjudagur 20.apríl 2021
Fréttir

Sif gagnrýnir auglýsingu Bjarna og Sjálfstæðisflokksins – „Ekki einu sinni hamfarir fá haggað pólitískri hugmyndafræði Sjálfstæðisflokksins“

Máni Snær Þorláksson
Mánudaginn 8. mars 2021 12:27

Mynd/Samsett

Ekki missa af Helstu tíðindum dagsins í pósthólfið þitt

Lesa nánar

Rithöfundurinn Sif Sigmarsdóttir skrifaði pistil sem birtist í Fréttablaðinu um helgina. Sif byrjaði pistilinn á því að benda á það hvernig allt sé samtvinnað í veröldinni. Hún nefnir dæmið um Skaftárelda og frönsku byltinguna en lengi hefur verið haldið fram að gjóskan úr Skaftáreldunum hafi spilað stórt hlutverk í upphafi byltingarinnar.

„Veröldin er garnhnykill; allt er samtvinnað,“ segir Sif og nefnir svo nokkur dæmi um það hvernig hlutir haldast í hendur. Eftir það talar hún um auglýsingu Sjálfstæðisflokksins með Bjarna Benediktsson, formanni flokksins, í aðalhlutverki. „Enginn er eyland. Nema einn. Bjarni Benediktsson, formaður Sjálfstæðisflokksins, stendur keikur í auglýsingu fyrir flokkinn ásamt tilvitnun: „Okkar stefna snýst um að veðja á einstaklinginn.““

Lesa meira: Þingframbjóðandi Samfylkingarinnar lætur Sjálfstæðisflokkinn heyra það

Auglýsingin sem um ræðir.

Sif segir þá að samkvæmt nýjum upplýsingum sé heimurinn jafnvel enn tengdarin en haldið hefur verið. „Fréttir herma að heimurinn sé jafnvel enn tengdari en við héldum. Samkvæmt nýrri rannsókn doktorsnema í landafræði við Arizonaháskóla, ollu Skaftáreldar hungursneyð meðal Inúíta í Alaska,“ segir hún og hjólar svo rakleiðis í pólitísku hugmyndafræði Sjálfstæðisflokksins.

„Jörð skelfur og eldgos ógnar á ný. Frakkar fjarlægðu styttuna af Loðvík XV. í kjölfar eldhræringa á Íslandi. En ekki einu sinni hamfarir fá haggað pólitískri hugmyndafræði Sjálfstæðisflokksins. Vatnsgreiddir í teinóttu standa Sjálfstæðismenn staðfastir við sjónvarpsskerm og tilbiðja skurðgoð sitt frá níunda áratugnum, Gordon Gekko, óskilgetið afkvæmi Thatcher og Reagan, með Maxí popp í annarri og ÍsCola í hinni, ótengdir við strauma, stefnur, orsakir, afleiðingar, aðra menn og móður náttúru; sambandslausir við tíðarandann og veruleikann.“

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Fyrrum borgarstjóri með nýtt lag – Eldgosið í aðalhlutverki

Fyrrum borgarstjóri með nýtt lag – Eldgosið í aðalhlutverki
Fréttir
Í gær

Stöðvuðu foreldra sem keyrðu um með þriggja ára barn laust í bílnum – Barnavernd kölluð til

Stöðvuðu foreldra sem keyrðu um með þriggja ára barn laust í bílnum – Barnavernd kölluð til
Fréttir
Fyrir 2 dögum

Íris er í sjokki eftir að eitrað var fyrir hundunum hennar – „Þetta getur ekki verið annað en af ásetningi“

Íris er í sjokki eftir að eitrað var fyrir hundunum hennar – „Þetta getur ekki verið annað en af ásetningi“
Fréttir
Fyrir 2 dögum

Smitin á leikskólanum rakin til landamærana – „Bein tenging við sóttkvíarbrot“ segir Víðir

Smitin á leikskólanum rakin til landamærana – „Bein tenging við sóttkvíarbrot“ segir Víðir