fbpx
Föstudagur 16.apríl 2021
Fréttir

Fagradalsfjall orðið líklegasti gosstaðurinn

Ágúst Borgþór Sverrisson
Laugardaginn 6. mars 2021 12:28

Ekki missa af Helstu tíðindum dagsins í pósthólfið þitt

Lesa nánar

„Breytingar frá því sem var í gær eru að eldsuppkomunæmið hefur færst alfarið til Fagradalsfjalls eins og sýnt er á myndinni,“ segir í tilkynningu frá Eldfjallafræði- og náttúruváhóp Háskóla Íslands, sem birt var kl. hálftíu í morgun.

Líklegustu gossvæðin samkvæmt núverandi spá hópsins eru öll fjarri þéttbýli og því er byggð hvergi í hættu ef til gos kemur á næstunni. Hópurinn birti meðfylgjandi mynd með tilkynningunni en í henni segir:

„Breytingar frá því sem var í gær eru að eldsuppkomunæmið hefur færst alfarið til Fagradalsfjalls eins og sýnt er á myndinni (99% þröskuldur). Myndin sýnir líka að líklegustu eldsuppkomusvæðin eru fjarri þéttbýli. Raunhæft mat á því hvert hraun geta flætt út frá upptakasvæðinu sem sýnt er á myndinni fæst með því að láta gjósa á 55 stöðum með föstu millibili innan svæðisins. Hvert eldgos er síðan endurtekið 1500 sinnum. Í eftirfarandi greiningu skoðum við líklegustu rennslisleiðir frá hverjum gospunkti inni á eldsuppkomusvæðinu. Því oftar sem líkanið beinir hrauninu í ákveðna átt, því líklegra er að hraunstraumurinn fylgi þeirri leið. Við viljum jafnframt benda á að við erum ekki með nákvæma staðsetningu á eldsuppkomunni og þess vegna eru allir gospunktarnir teknir inn í hraunrennslispánna. Við tökum einnig fram að hraunrennslisspáin sýnir einungis mögulegar rennslisleiðir hrauns út frá þeim forsendum sem notaðar eru í líkanreikningunum. Sterkustu (dekkstu) litirnir sýna líklegustu leiðirnar, ljósir litir leiðir sem líkurnar eru miklu minni. Hraunrennslislíkanið er ekki að spá fyrir um eldgos og ný keyrsla er í vinnslu og verður kynnt um leið og það er búið. Við vinnslu eldsuppkomunæmis er notast við langtímamat á eldvirkni og staðsetningu jarðskjálfta frá Veðurstofu Íslands.“

Skjálftavirkni er enn mikil á Reykjanesskaga en enginn gosórói er. Því er eldgos ólíklegt á næstunni. Stærstu skjálftar sem mælst hafa í dag hafa verið rúmlega 3.

 

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Í gær

Engar umsóknir bárust um stöðu verkefnastjóra á Flateyri – Umsóknafrestur framlengdur

Engar umsóknir bárust um stöðu verkefnastjóra á Flateyri – Umsóknafrestur framlengdur
Fréttir
Í gær

Gunnar fékk 13 ára dóm fyrir morðið á bróður sínum á síðasta ári en var sleppt úr haldi í dag

Gunnar fékk 13 ára dóm fyrir morðið á bróður sínum á síðasta ári en var sleppt úr haldi í dag
Fréttir
Fyrir 2 dögum

Fagradalsfjall Now Erupts From 8 Craters – Hair-raising Footage Shows Spectators at Edge of Lava Flow

Fagradalsfjall Now Erupts From 8 Craters – Hair-raising Footage Shows Spectators at Edge of Lava Flow
Fréttir
Fyrir 2 dögum

Nýju gígarnir gjörbreyta ásýnd gossvæðisins – Sjáðu myndband af sjónarspilinu í gærkvöldi

Nýju gígarnir gjörbreyta ásýnd gossvæðisins – Sjáðu myndband af sjónarspilinu í gærkvöldi
Fréttir
Fyrir 3 dögum

Fiskibátur með tvo um borð strandaði í Krossavík

Fiskibátur með tvo um borð strandaði í Krossavík
Fréttir
Fyrir 3 dögum

Eva segir Kára til syndanna – „Æ, Kári, þetta eru ekki rök“

Eva segir Kára til syndanna – „Æ, Kári, þetta eru ekki rök“
Fréttir
Fyrir 3 dögum

Þrír greindust utan sóttkvíar í gær – Nýjar tillögur Þórólfs ræddar í ríkisstjórn

Þrír greindust utan sóttkvíar í gær – Nýjar tillögur Þórólfs ræddar í ríkisstjórn
Fréttir
Fyrir 3 dögum

Nýjar vendingar á gosstöðvum – „Tveir eða jafnvel þrír“ nýir gígar opnuðust í morgun

Nýjar vendingar á gosstöðvum – „Tveir eða jafnvel þrír“ nýir gígar opnuðust í morgun