Jarðskjálfti að stærðinni 4,5 mældist laust fyrir kl. 9 við Fagradalsfjall í morgun. Skjálftinn fannst vel á suðvesturhorni landsins. Ekki hefur byrjað skjálftaórói á svæðinu samhliða skjálftanum. Þetta kemur fram í tilkynningu frá Veðurstofunni.
Í tilkynningunni er farið yfir atburðarásina frá því síðdegis í gær en hún er eftirfarandi:
„Óróapúls mældist í gær kl. 14:20 og sást á flestum jarðskjálftamælum og er staðsettur suður af Keili. við Litla Hrút.
Kröftug jarðskjálftahrina hófst á Reykjanesskaga þann 24. febrúar með skjálfta af stærð 5,7 og 5,0. Síðan þá hafa fjölmargir skjálftar yfir 4,0 mælst á svæðinu og tveir skjálftar yfir 5,0. Þeir voru þann 27. febrúar (M5,2) og 1. mars (M5,1). Um 18 000 jarðskjálftar hafa verið staðsettir síðan hrinan hófst.
Í dag (04. mars) kl. 00:59 varð jarðskjálfti 4,1 að stærð 1,4 km SA af Fagradalsfjalli. Mesti virkni virðist vera bundin við Fagradalsfjalli og hefur færst eitthvað SV, miðað við í gær. Órói og skjálftavirkni minkaði eð í nótt, enn jókst aftur um 05-leitið. 15-20 skjálftar yfir 3 að stærð hefur mælst frá miðnætti.
Uppfært kl 09:10: Jarðskjálfti af stærð 4.5 mældist kl 08:54 við Fagradalsfjall. Skjálftinn fannst vel á suðvestur horni landsins. Órói hefur ekki byrjað aftur samhliða skjálftanum.“