Þriðjudagur 09.mars 2021
Fréttir

Neitaði að vera með grímu í verslun og réðst á starfsmann – Grunsamlegar mannaferðir leiddu ræktun í ljós

Jón Þór Stefánsson
Laugardaginn 20. febrúar 2021 07:56

Mynd/GVA

Ekki missa af Helstu tíðindum dagsins í pósthólfið þitt

Lesa nánar

Mjög mikið var að gera hjá Lögreglunni á höfuðborgarsvæðinu í gærkvöld- og nótt samkvæmt dagbók lögreglu. Til að mynda segist hún hafa farið í 11 verkefni vegna samkvæmishávaða í heimahúsum og þá voru einnig fimmtán skemmtistaðir skoðaðir í miðborginni með tilliti til sóttvarna og gildandi reglur. Fram kemur að á flestum staðanna hafi allt verið í góðum málum, en á einum stað hafi gestir verið of margir, hólfaskipting ógreinanleg, auk þess sem starfsmenn báru ekki andlitgrímur. Málið er rannsakað sem brot á reglum um samkomutakmarkanir og skýrsla rituð um málið.

Elsta brotið í dagbók seinustu nætur átti sér stað í Laugardalnum, þar var aðili handtekinn eftir líkamsárás og vistaður í fangaklefa. Skömmu seinna barst lögreglu tilkynning vegna grunsamlegra mannaferða við fjölbýlishús í Hlíðunum. Í ljós kom að í íbúðinni var kannabisræktun. Þar voru tveir handteknir á vettvangi og vistaðir í fangaklefa.

Mikið gerðist í verslunum á Höfuðborgarsvæðinu í nótt. Í verslun í miðborginni var tilkynnt um þjófnað. Þegar lögreglu bar að garði var meintur þjófur á vettvangi og kom í ljós að hann væri eftirlýstur, hann var handtekinn í kjölfarið. Í annari verslun óskaði starfsmaður eftir aðstoð frá lögreglu eftir að hafa orðið fyrir líkamsárás af hendi viðskiptavinar. Ástæðan var sú að viðskiptavinurinn neitaði að vera með andlitsgrímu. Fyrir utan verslun í Kópavogi var síðan tilkynnt um líkamsárás, þar var árásaraðili handtekinn.

Einnig er greint frá því að tilkynnt hafi verið um heimilisofbeldi í Kópavogi eða Breiðholti. Þar kom í ljós að húsráðandi væri með minniháttar kannabisræktun á heimili sínu. Árásaraðili handtekinn og vistaður í fangaklefa.

Þá var einnig mikið um umferðarbrot, en margir voru stöðvaðir fyrir akstur undir áhrifum áfengis og annara fíkniefna. Ekki er nauðsynlegt að fara nánar út í hvert atvik fyrir sig.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 22 klukkutímum

Enn hitnar í kolunum hjá Icelandair – Ólafur kallar Stein Loga blöðrusel og gasprara

Enn hitnar í kolunum hjá Icelandair – Ólafur kallar Stein Loga blöðrusel og gasprara
Fréttir
Í gær

Skýrist á morgun hvort nýr faraldur kórónuveirunnar sé að skella á

Skýrist á morgun hvort nýr faraldur kórónuveirunnar sé að skella á
Fréttir
Í gær

Starfsmaður Landspítalans greindist með Covid-smit í gær – UPPFÆRT

Starfsmaður Landspítalans greindist með Covid-smit í gær – UPPFÆRT
Fréttir
Í gær

Telja að kvika flæði inn í jarðlög undir Fagradalsfjalli

Telja að kvika flæði inn í jarðlög undir Fagradalsfjalli
Fréttir
Fyrir 2 dögum

Hryllingsárásin á Kanaríeyjum – Utanríkisráðuneytið hefur boðið fram aðstoð sína

Hryllingsárásin á Kanaríeyjum – Utanríkisráðuneytið hefur boðið fram aðstoð sína
Fréttir
Fyrir 3 dögum

Ekki hlustað á konur með endómetríósu – Sláandi frásagnir íslenskra kvenna

Ekki hlustað á konur með endómetríósu – Sláandi frásagnir íslenskra kvenna
Fréttir
Fyrir 3 dögum

Einar Kára og Margrét Tryggva takast á um „slaufunarmenningu“ – „Myndi hlusta á dætur þínar og eyða þessu“

Einar Kára og Margrét Tryggva takast á um „slaufunarmenningu“ – „Myndi hlusta á dætur þínar og eyða þessu“
Fréttir
Fyrir 3 dögum

Jóhannes Stefánsson uppljóstrari lýsir morðtilraun og segist þurfa á peningum að halda – Eitrunarmiðstöð LSH kannast ekki við óþekktar eitranir

Jóhannes Stefánsson uppljóstrari lýsir morðtilraun og segist þurfa á peningum að halda – Eitrunarmiðstöð LSH kannast ekki við óþekktar eitranir