Einn var vistaður í fangageymslu Lögreglunnar á höfuðborgarsvæðinu í gær vegna gruns um að viðkomandi hafi dvalið of lengi hér á landi en viðkomandi er frá ríki utan Schengensvæðisins.

Einn var handtekinn vegna gruns um líkamsárás og var hann vistaður í fangageymslu.

Þrír ökumenn voru handteknir grunaðir um að vera undir áhrifum fíkniefna. Einn þeirra reyndist vera sviptur ökuréttindum og annar var með meint fíkniefni í fórum sínum. Farþegi í bíl hins þriðja var kærður fyrir brot á lyfjalögum og vörslu fíkniefna.

Bifreið var ekið á rafmagnskassa og staur á austurhluta höfuðborgarsvæðisins. Minniháttar meiðsli urðu á fólki. Að auki var tilkynnt um tvö umferðaróhöpp þar sem engin meiðsli urðu á fólki.