Þrjár tilkynningar bárust um ógætilegan akstur á bifreiðastæðum. Í tveimur tilvikum var allt afstaðið er lögreglan kom á vettvang en í þriðja var tilfellinu, sem var á skólalóð í Grafarvogi, var allt í fullum gangi er lögreglan kom á vettvang. Þar var númerslausri bifreið ekið um. Þegar lögreglan gaf ökumanni hennar merki um að stöðva aksturinn jók hann hraðann. Að lokum endaði ökuferð hans með því að bifreiðin rann á bifreið sem var í bifreiðastæði. Þegar lögreglumenn komu að bifreiðinni sátu tveir aðilar í aftursæti hennar en enginn undir stýri. Enginn hafði yfirgefið bifreiðina svo ljóst má vera að annar þeirra ók henni. Báðir voru handteknir og rannsókn stendur yfir.
