Föstudagur 05.mars 2021
Fréttir

Hryllingur í Breiðholti – Laminn ítrekað með vasaljósi í höfuðið

Heimir Hannesson
Mánudaginn 25. janúar 2021 11:15

Bílastæðið þar sem árásin er sögð hafa átt sér stað mynd/skjáskot ja.is

Ekki missa af Helstu tíðindum dagsins í pósthólfið þitt

Lesa nánar

Aðalmeðferð í máli manns sem réðst að öðrum manni með vasaljósi og „annarskonar járnáhöldum“ fer fram í þessari viku. Árásarmaðurinn hefur verið ákærður fyrir „sérstaklega hættulega“ líkamsárás en hann er sagður hafa slegið fórnarlambið ítrekað í höfuðið með þungum áhöldum. „Þegar [fórnarlambið] bar hendur fyrir höfuð sitt [sló] hann aftur í höfuðið með áhaldinu þannig að höggið kom á hendur hans og höfuð,“ segir í ákærunni.

Árásin mun hafa átt sér stað á bílastæði á milli fjölbýlishúss í Breiðholtinu og Fjölbrautaskólans í Breiðholti þann 1. apríl árið 2018.

Hlaut fórnarlambið af árásinni mar á milli augnabrúna, sár og mar aftan á hnakkanum, heilahristing og eymsli yfir hægra handarbak og úlnlið.

Fórnarlambið krefst miska- og skaðabóta að fjárhæð 950.000 króna og Héraðssaksóknari, sem sækir málið, krefst þess að ákærði verði dæmdur til refsingar og til þess að greiða allan sakarkostnað sem af málinu hlýst.

Sem fyrr segir fer aðalmeðferð í máli Héraðssaksóknara gegn manninum fram í þessari viku, nánar tiltekið á fimmtudaginn í Héraðsdómi Reykjavíkur.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 20 klukkutímum

Veitingamaður við Laugaveg lýsir skelfingarástandi hjá ógæfufólki – „Hef aldrei orðið vitni að eins mikilli eymd“

Veitingamaður við Laugaveg lýsir skelfingarástandi hjá ógæfufólki – „Hef aldrei orðið vitni að eins mikilli eymd“
Fréttir
Í gær

Jón Baldvin þarf að svara fyrir meint kynferðisbrot í héraðsdómi – Málinu vísað heim í hérað í annað sinn

Jón Baldvin þarf að svara fyrir meint kynferðisbrot í héraðsdómi – Málinu vísað heim í hérað í annað sinn
Fréttir
Í gær

Engin smit greind innanlands – Fjögur virk smit frá útlöndum

Engin smit greind innanlands – Fjögur virk smit frá útlöndum