Eitt smit greindist innanlands í gær og stendur tíðni 14 daga nýgengi innanlandssmita á hverja 100.000 íbúa nú í 9.3. Það er það lægsta sem það hefur verið síðan um miðjan júlí.

Til viðbótar innanlandssmitinu eina greindust fjögur smit á landamærunum í gær. Af þeim reyndust tvö smit virk en hinir tveir einstaklingarnar bíða nú eftir niðurstöðum úr mótefnamælingu.

Samkvæmt tölfræði á Covid.is hafa nú 4.546 verið bólusettur fyrir Covid-19, 64 eru í einangrun með virk smit og 17 á sjúkrahúsi. Umtalsverður fjöldi virkra smita í dag greindist á landamærunum og telja því ekki sem innanlandssmit.

128 einstaklingar eru í sóttkví hér á landi, samkvæmt sömu tölum.

Staðfest smit eru nú 5.990 frá því að faraldurinn hófst í lok febrúar á síðasta ári.

Reglugerð um takmörkun á samkomum vegna farsóttar tók gildi 13. janúar síðastliðinn og gildir til 17. febrúar. Þó er ekki loku fyrir það skotið að henni verði breytt af ráðherra fyrir þann tíma. Þórólfur Guðnason, sóttvarnalæknir, hefur þó sagt að stíga þurfi varlega til jarðar þó tölur undanfarinna daga gefi vísbendingu um að þessi bylgja faraldursins sé í rénun.