Mánudagur 01.mars 2021
Fréttir

Biden lét fjarlægja „Diet Kók takka“ Trumps á fyrsta degi

Heimir Hannesson
Föstudaginn 22. janúar 2021 16:00

Ekki missa af Helstu tíðindum dagsins í pósthólfið þitt

Lesa nánar

Af ljósmyndum af skrifborði nýs Bandaríkjaforseta Joe Biden að dæma hefur Biden látið fjarlægja hnapp á skrifborðinu sem forveri hans lét koma fyrir. Mun eini tilgangur takkans hafa verið að láta bryta forsetans vita að forsetann þyrsti í Diet Coke. Trump er annálaður gos svelgur, og er hans uppáhalds drykkur Diet Coke.

Í umfjöllun bandarísku fréttaveitunnar The Hill segir að Trump hafi látið koma takkanum fyrir til þess að tryggja öruggt flæði gossins inn á skrifstofu sína.

Skrifborð Bandaríkjaforseta er frægt og heitir á móðurmálinu The Resolute Desk. Það mun hafa verið smíðað úr endurnýttri eik úr skipinu HMS Resolute. Skrifborðið vegur heil 590 kíló og hefur í tvígang verið breytt. Fyrst af forsetanum Franklin Delano Roosevelt, sem lét setja hurðir framan á það til þess að fela gjörð sem hann var með á fótunum. Skrifborðið var svo hækkað um tvær tommur árið 1961.

Á fyrstu ljósmyndunum úr skrifstofu Bandaríkjaforseta sem bárust strax sama dag og Biden sór embættiseið sinn, á miðvikudaginn síðastliðinn, mátti sjá að takki forvera síns var horfinn.

Bandarískir fjölmiðlar greindu frá því á forsetatíð Trumps að hann neytti reglulega tólf dósa af Diet Coke á hverjum degi. Þá skrifaði fyrrum starfsmaður í Hvíta húsinu, Chris Sims, í bók sinni Team of Vipers, að Trump stríddi reglulega gestum sínum með því að segja takkann tengjast kjarnorkuvopnabúri ríkisins áður en hann ýtti svo á hann. „Þegar brytinn birtist svo með Diet Coke í glasi á silfurfati sprakk svo Trump úr hlátri,“ skrifar Sims.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Fréttir
Fyrir 3 dögum

Tinna var beitt stafrænu kynferðisofbeldi aðeins 13 ára gömul – Varð bráðkvödd á heimili sínu

Tinna var beitt stafrænu kynferðisofbeldi aðeins 13 ára gömul – Varð bráðkvödd á heimili sínu
Fréttir
Fyrir 3 dögum

Sýknaður af ákæru um áreitni eftir óþægilega kvöldgöngu – „Sorry I like you so much“

Sýknaður af ákæru um áreitni eftir óþægilega kvöldgöngu – „Sorry I like you so much“