Ísland mætir Sviss í dag í milliriðli á HM í handbolta í Egyptalandi. Leikurinn verður í beinni útsendingu í Ríkissjónvarpinu og hefst hann kl. 14:30.
Íslendingar eru í milliriðli með Sviss, Frakklandi og Noregi. Öll liðin eru sterk en fyrirfram má vænta að mestu möguleikarnir á sigri séu í leiknum gegn Sviss í dag. Ísland tók með sér tvö stig í milliriðil og ljóst er það það verður á brattann að sækja varðandi það að verða á meðal efstu þjóða á mótinu.
Á föstudaginn verður spilað gegn Frökkum og á sunnudag er leikurinn gegn Noregi.
Fyrir þá sem ekki hafa tök á að fylgjast með leiknum gegn Sviss komum við með fréttir af honum í leikslok.