Ríkisstjórnin hélt í dag blaðamannafund vegna kórónuveirufaraldursins en veiran hefur verið í miklum uppgangi undanfarna daga. Fyrir fundinn var ljóst að fundurinn myndi aðallega fjalla um landamærin og bjuggust því margir við því að mun hertari aðgerðir á landamærunum yrðu tilkynntar á fundinum.
Þessar hertari aðgerðir sem ríkisstjórnin kynnti á fundinum voru ekki jafn harðar og margir höfðu vonast eftir. Héldu einhverjir að aðgerðirnar fælu í sér að fólk sem kæmi til landsins yrði skylt til að dvelja á sóttkvíarhótelum og var það gert, upp að vissu marki. Ríkisstjórnin kynnti nýtt litakóðunarkerfi en samkvæmt því þurfa aðeins þeir sem koma frá svokölluðum há-áhættusvæðum að dvelja á sóttvarnarhóteli.
Eins og alltaf þegar um svona blaðamannafundi fer þjóðin að tala saman, sumir gera það á kaffistofunni en aðrir halda á samfélagsmiðla. Samfélagsmiðillinn Twitter er yfirleitt vinsælastur þegar kemur að skoðanaskiptum um þessa fundi.
„Sendið bara alla í þetta goddamn sóttkvíarhótel,“ segir til að mynda einn Íslendingur og fleiri taka í svipaða strengi. Þá voru nokkrir sem furðuðu sig á fundinum og var til að mynda haft á orði að hann hafi verið „ómarkviss“. Einnig voru nokkrir sem bentu á kaldhæðnina í því að Bjarni Benediktsson fjármálaráðherra hafi „skammast“ í þá sem brutu sóttkví þegar hann var sjálfur staðinn að því að brjóta sóttvarnarlög um jólin.
Hér fyrir neðan má sjá það helsta sem Íslendingar hafa að segja um fundinn í dag:
Ég verð að viðurkenna að ég er ekki alveg með á hreinu um hvað þessi fundur snérist.
— pallih (@pallih) April 20, 2021
Ómarkvissari blaðamannafund hef ég ekki séð.
Markmiðið frekar að allir fái að tala heldur en að miðla neinu af alvöru.
En lýst samt vel á að með stærri hluta bólusettra er markmiðið að aflétta öllu. Neeeenni ekki að vera stýrt af minnisblöðum.
— Sigurður O. (@SiggiOrr) April 20, 2021
bíddu það er ekki einu sinni sóttkvíarhótel fyrir áhættusvæði. Ekki heldur takmarkað ónauðsynlegar ferðir til/frá áhættusvæðum. Ég veit ekki. Mér finnst þetta frekar weak og of seint pic.twitter.com/6U8YxVpxzD
— 💎 Donna 💎 (@naglalakk) April 20, 2021
Nýgengi smita yfir þúsund þýðir svæði þar sem 1% íbúa eru að smitast á dag.
Þetta er fáránlegur stuðull.
— Jóhannes Proppé (@JohannesProppe) April 20, 2021
Ah þessi stóri fundur var bara panik því Samfylkingin sýndi ábyrgð og tók af ykkur frumkvæði til að skjóta lagastoðum undir ráðleggingar sóttvarnalæknis?
— Henrý (@henrythor) April 20, 2021
Sammála, mikil vonbrigði pic.twitter.com/Momx9wfnOo
— Alexandra Ýr (@alexandravanerv) April 20, 2021
Verð að segja að það kemur úr allra hörðustu átt þegar fjármálaráðherra skammast á blaðamannafundi ríkisstjórnarinnar út í almenning og einstaklinga fyrir að brjóta sóttvarnir….
— Rósa Björk B (@RosaBjorkB) April 20, 2021
Sorglegt að fámennur hópur virði ekki sóttvarnareglur segir ráðherrann sem braut sóttvarnareglur í jólapartíi
— ⚠️🔪👀 (@tyggjo) April 20, 2021
Þegar ríkisstjórnin boðar til blaðamannafundar klukkan 16:00. pic.twitter.com/TXbBVNbojm
— €irikur Jónsson (@Eirikur_J) April 20, 2021
Sjitt ég get ekki ímyndað mér leiðinlegra djobb en það sem ráðherrarnir eru að gera núna, labba milli viðtala, segja sama hlutinn aftur og aftur, með sólina í augunum
— stefan.vigfusson@gmail.com (@SVigfusson) April 20, 2021
Nýtt touch að vera með massívt glærushow á blaðamannafundi. Eftir 20 ára skólagöngu er maður orðinn svo vanur að sóna út þegar svona mikill texti birtist á skjánum að mig langar að biðja Katrínu um að senda mér þetta beint í tölvupósti. Skoða svo kvöldið fyrir próf.
— Árni Helgason (@arnih) April 20, 2021
Ég er ánægð með að KJ tali um að þegar “öll“ en ekki „allir“ eru búin í bólusetingu. Svo lítið orð sem er samt svo stórt. ❤️
— Ólöf Hugrún (@olofhugrun) April 20, 2021